Ambasadori i Shteteve të Bashkuara të Amerikës në Kosovë, Jeffrey Hovenier, ka njoftuar se të enjten ka diplomuar grupi i parë i Policisë Kombëtare të Ukrainës dhe Shërbimeve Shtetërore të Emergjencave, që ka qenë një iniciativë e përbashkët e Komandës Evropiane të SHBA-ve dhe Forcës së Sigurisë së Kosovës (FSK).
Hovenier lajmin e ka bërë të ditur përmes një postimi në platformën X, ku ka njoftuar se ata kanë diplomuar për heqjen e minave.
“Sot grupi i parë i Policisë Kombëtare të Ukrainës dhe Shërbimeve Shtetërore të Emergjencave u diplomua nga një iniciativë e përbashkët trajnimi e Komandës Evropiane të SHBA-së dhe Forcave të Sigurisë së Kosovës për heqjen e sigurt të minave dhe mjeteve të municioneve të pashpërthyera”, shkroi Hovenier.
Diplomati amerikan potencoi të jetë “krenar që e dëshmojmë këtë përpjekje për ta mbajtur popullin ukrainas të sigurt dhe për të qëndruar me partnerët tanë kosovarë në solidaritet me Ukrainën”.
Today the first group of Ukrainian National Police and State Emergency Services graduated from a joint U.S. European Command and Kosovo Security Forces training initiative on safe removal of mines and unexploded ordnance devices. Proud to witness this 🇺🇸 🇽🇰 effort to keep… pic.twitter.com/IY6BlXhvfF
— Ambassador Jeff Hovenier (@USAmbKosovo) April 11, 2024
Për këtë ka shkruar edhe Ministri i Mbrojtjes, Ejup Maqedonci. Ai ka theksuar se Kosova qëndron e palëkundur në mbështetje të Ukrainës.
“Sot përfundoi me sukses trajnimi gjashtëjavor i grupit të parë të personelit ukrainas në EOD, trajnim i realizuar nga instruktorët e FSK-së në bashkëpunim me EUCOM-USA. Kosova qëndron e palëkundur përkrah SHBA-së dhe vendeve të tjera demokratike në mbështetjen e Ukrainës”, shkroi Maqedonci në X.
Today ended successfully six weeks training of the first group of Ukrainian personnel in the EOD, training conducted by the KSF instructors in cooperation with the EUCOM-USA.
🇽🇰 stands firm alongside the 🇺🇲 and other democratic countries in supporting 🇺🇦.#StandWithUkraine pic.twitter.com/tauWe6HkjM
— Ejup Maqedonci (@EjupMaqedonci) April 11, 2024
Që nga fillimi i agresionit të Federatës Ruse në Ukrainë, Kosova ka qenë në mbështetje të plotë të Kievit zyrtar. Prishtina zyrtare u është bashkuar sanksioneve të vendeve perëndimore ndaj Moskës zyrtare.
Madje, në Kosovë janë strehuar edhe disa gazetarë ukrainas.
Përkundër qëndrimeve përkrahëse dhe mbështetjes konkrete, Ukraina vazhdon që të mos e njohë pavarësinë e Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
BE e gatshme të mbrojë ekonominë, i thotë shefja e bllokut Kinës
-
Shqetësime për konflikt interesi rreth eurodeputetëve dhe punëve të tyre të dyta
-
Bajrami, Qeverisë: Ia keni humbur Kosovës 4 vjet – 128 milionë euro më pak investime kapitale
Lajmet kryesore
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
Ngjarja tragjike në Shkodër, gjendet trupi i fëmijës së dytë
-
BE e gatshme të mbrojë ekonominë, i thotë shefja e bllokut Kinës
-
Kurti, ambasadorëve të QUINT-it: Normalizimi i marrëdhënieve me Serbinë s’duhet të përzihet me anëtarësimin e Kosovës në KiE