Diamanti rozë pritet të arrijë më shumë se 20 milionë paund në ankand në Hong Kong

Diamanti i dytë më i madh rozë pritet të shitet për më shumë se 20 milionë paund kur të dalë në ankand në Hong Kong të premten.

11,15 karatësh, i njohur si Williamson Pink Star, diamanti është emëruar pas dy diamanteve të tjerë të mëdhenj rozë.

Një është diamanti oval Pink Star me prerje të përzier, 59,60 karatësh, i cili u shit për një rekord 71,2 milion dollarë në ankand në vitin 2017.

Tjetri është guri Williamson, një diamant 23,60 karatësh i dhënë mbretëreshës së ndjerë Elizabeth II si dhuratë martese nga gjeologu kanadez dhe mbretëror i flaktë John Thorburn Williamson në vitin 1947.

Modeluar si një karficë me lule e projektuar nga Frederick Mew e Cartier në vitin 1953, Williamson thuhet se ka qenë e preferuara e Mbretëreshës, e cila e ka vendosur atë në shumë raste gjatë mbretërimit të saj.

Wenhao Yu, kryetarja e bizhuterive dhe orëve në Sotheby’s Asia, ka thënë se zbulimi një diamanti rozë me cilësi të çmuar të çdo madhësie është “një dukuri jashtëzakonisht e rrallë, diçka që, deri vonë dukej shumë e pamundur”.

Argyle, një minierë diamanti në pronësi të Rio Tinto në veriun e largët të Australisë Perëndimore, u mbyll në vitin 2020 pas 37 vitesh funksionimi, gjatë të cilit prodhoi më shumë se 865 milionë karat diamante të papërpunuar.

“Nxitur nga një ofertë e kufizuar dhe kërkesa në rritje, çmimet për diamantet e mëdhenj rozë me cilësi të lartë mbi pesë karat janë rritur në mënyrë eksponenciale gjatë dekadës së fundit, duke krijuar pa masë skenën për shfaqjen të këtij guri të veçantë”, ka thënë Yu.

Diamantet rozë janë veçanërisht të rrallë në mesin e diamanteve me ngjyrë dhe askush nuk e di saktësisht se si ato bëhen rozë gjeologjikisht.

Marrë nga “The Guardian”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.