Derdhja e cisternës së naftës në ishujt Mauritius – shpallet fajtor kapiteni

Kapiteni dhe oficeri i parë i një anijeje që u rrëzua në shkëmbinjtë koralorë në ishujt e Mauritius-it, në korrik të vitit 2020, janë shpallur fajtorë për rrezikimin e lundrimit të sigurt.

Kapiteni Sunil Kumar Nandeshwar pranoi se kishte pirë në mënyrë të moderuar gjatë një festë ditëlindjeje në bord përpara se “MV Wakashio” të rrëzohej më 25 korrik 2020.

Rreth 1 mijë ton karburant rrodhën në ujë, duke shkaktuar një emergjencë ekologjike.

Mauritius është shtëpia e shkëmbinjve koralorë me famë botërore dhe popullore nga turistët.

Sunil Kumar Nandeshwar dhe oficeri i tij i parë, Hitihanillage Subhoda Janendra Tilakaratna u shpallën fajtorë, sipas aktit të transportit tregtar të vitit 2007 nga Gjykata e Hetimit, e krijuar nga qeveria Mauritiane.

Nandeshwar tha se kishte dhënë urdhra për t’iu afruar ujërave Mauritian, në mënyrë që ekuipazhi të mund të merrte një telefonatë për t’u lidhur me familjet e tyre.

“Deti ishte i trazuar, por dukshmëria ishte e qartë dhe ishte e sigurt për të lundruar”, tha Nandeshwar, duke shtuar se, “në një moment, anija nuk mund të lëvizte dhe kishte prekur fundin e detit”.

Ndër të tjera, ai tha se, “meqë piva pak, nuk më dukej se ia vlente të ndërhyja dhe nuk më shkonte mendja se po lundronim kaq afër”.

Anija u rrëzua në Pointe d’Esny, vend i shenjtë i njohur për kafshë të egra të rralla.

Zona përmban gjithashtu ligatina të përcaktuara, si një vend me rëndësi ndërkombëtare nga konventa Ramsar për ligatinat.

Hetimi zbuloi se oficeri i vëzhgimit ishte lejuar të qëndronte në festën e ditëlindjes, gjë që do të thoshte se ai nuk mund të siguronte lundrimin e sigurt të anijes.

Nandeshwar u kërkoi falje Mauritianëve për dëmin e shkaktuar. Tilakaratna apeloi në gjykatë për dënim më të butë dhe tha se ai nuk kishte mundur të takohej me familjen e tij që nga arrestimi i tij.

Dyshja pritet të dënohet më 27 dhjetor.

Në kohën e incidentit, “Greenpeace Africa” paralajmëroi se “mijëra” specie kafshësh ishin “në rrezik të mbytjes në një det ndotjeje” me pasoja të tmerrshme për ekonominë, sigurinë ushqimore dhe shëndetin në Mauritius.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.