Departamenti amerikan i Drejtësisë do të hetojë vdekjen e një adoleshenti në Washington, i cili u qëllua nga një oficer policie i ulur pas tij në një makinë.
Dalaneo Martin, 17 vjeç, ishte në gjumë në një SUV të parkuar, të vjedhur kur oficerët hapën derën më 18 mars.
Pamjet tregojnë policinë duke hyrë fshehurazi në automjet për ta arrestuar. I dyshuari, i cili ishte me ngjyrë, largohet me shpejtësi me një oficer në sediljen e pasme.
Pasi i thotë të ndalojë, oficeri hap zjarr ndaj adoleshentit nga pas.
“Humbja e një jete është gjithmonë tragjike, por është veçanërisht e trishtueshme kur përfshin një fëmijë”, ka bërë me dije departamenti i drejtësisë duke njoftuar hetimin për të drejtat civile.
Adoleshenti u qëllua nga një oficer i paidentifikuar i Policisë së Parkut të SHBA-ve – krahu i zbatimit të ligjit të Shërbimit të Parkut Kombëtar – gjatë një hetimi me Policinë e Metrosë në Washington.
Pamjet e publikuara tregojnë oficerët e policisë duke diskutuar se si të arrestojnë të dyshuarin teksa ai me sa duket ishte duke dremitur në një makinë me një motor të ndezur.
Kryetari i Sindikatës së Policisë së Parkut në SHBA ka mbrojtur oficerin.
“Ka një arsye të ligjshme që ai të jetë në makinë, përdorimi i forcës ishte i justifikuar dhe sindikata qëndron pas veprimeve që ndërmorën oficerët”, ka thënë Kenneth Spencer.
Ndërsa nëna e adoleshentit kërkon që oficeri që ka qëlluar të shkarkohet dhe të ndiqet penalisht.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
