Të hënën e 14 shkurtit, në qytetin e dashurisë në ditën e të dashuruarve, Florentino Perez dhe Al-Khelaifi do të takohen për një darkë në restaurantin që u zgjodh më i miri në botë në vitin 2020.
Presidentët e Real Madrid-it dhe PSG-së, do të takohen një natë para duelit të madh në Champions League.
Edhe pse ndeshja duhet të jetë fokusi kryesorë, tashmë të gjithë e dijnë që nuk do të jetë.
Pas një viti tensionues, pa asnjë kontakt me njëra-tjetrën, presidentët e të dy skuadrave do të takohen për të folur, por asnjëri nga ata nuk do të jetë protagonist.
Protganisti kryesor i natës do të jetë Kylian Mnappe, njeriu i cili përflitet tashmë e më shumë se dy vite.
Sulmuesi francez, është arsyeja që dy skuadra që ishin miqësore me njëra-tjetrën, nuk janë më aq miqësore.
Sipas raportimeve në mediave, por edhe fjalëve të vet futbollistit, ky do të jetë viti i fundit i tij në Paris para se të largohet si agjent i lirë në drejtim të Real Madrid-it.
Për të zbutur marrëdhënien, Perez dhe Al-Khelaifi pritet që të shfrytëzojnë këtë takim.
Sezonin e kaluar, PSG refuzoi 200 milionë nga Real Madrid për Mbappe-n, ofertë kjo që as nuk mund të kuptohet pse u refuzua.
Se pse PSG refuzoi 200 milionë euro, ende askush nuk e di – sidomos për një futbollist që dhjetë muaj më vonë do të largohet pa asnjë cent.
Por, kjo dilemë pritet të zgjidhet në darkën e përbashkët.
Darkë dashurie në qytetin e dashurisë, apo darkë urrejtje në datën më të bukur për të dashuruarit – Paris-i është dëshmitar i takimit më të tensionuar në futboll.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
