Kryeministri i Kosovës, Albin Kurti, i ka thënë Këshilltarit të lartë të Departamentit amerikan të Shtetit, Derek Chollet, se ai vazhdon të ketë qëndrimin e njëjtë sa i përket propozimit evropian për marrëveshje me Serbinë.
Kjo nënkupton se ai vazhdon ta konsiderojë planin franko-gjerman (evropian) si “bazë të mirë”.
Kështu thuhet në njoftimin e Qeverisë së Kosovës, ku tregohet se Kurti e Chollet kanë realizuar edhe një bisedë përmes telefonit, e fundit para udhëtimit për në Bruksel ku pritet edhe marrëveshje/pajtim zyrtar mes kryeministrit të Kosovës dhe Presidentit serb, Aleksandër Vuçiç.
“Kurti ka zhvilluar sot një bisedë telefonike me Chollet si vazhdimësi e mirëmbajtjes së një komunikimi të rregullt, veçanërisht tani në prag të takimit të së hënës në Bruksel”, thuhet nga zyra për media e kryeministrit.
“Gjatë kësaj bisede, Kryeministri konfirmoi qëndrimin e tij për propozimin evropian si bazë të mirë për bisedimet e mëtutjeshme drejt normalizimit të marrëdhënieve”, vazhdon komunikata.
Siç shpaloset në tekstin e shkurtër njoftues nga qeveria, Kurti i ka thënë Chollet-it se “për marrëdhënie normale, evropiane e të fqinjësisë së mirë, përveç njohjes reciproke në qendër të marrëveshjes, duhet t’i konsiderojmë edhe të drejtat e pakicave kombëtare”.
Kurti edhe e ka falënderuar Chollet-in “për mbështetjen përgjatë procesit të dialogut dhe vëmendjen e vazhdueshme të Shteteve të Bashkuara të Amerikës, e posaçërisht të Chollet personalisht”.
Albanian Post ka publikuar këtë të premte ekskluzivisht se çfarë pritet nga takimi i 27 shkurtit.
Ekskluzive: Koha ka përfunduar për Kurtin dhe Vuçiç’in – nënshkrim ose konflikt
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit