Chelsea është gati të bëjë gjithçka për të nënshkruar me mesfushorin e Borussia Dortmund-it, Jude Bellingham gjatë verës, shkruan The Daily Telegraph.
Bellingham, 19-vjeç, raportohet të jetë objektivi kryesor i Bluve pasi humbën terren në garën për Declan Rice të West Ham.
Bashkëpronari i Chelsea, Todd Boehly, i cili tashmë ka qenë në kontakt me përfaqësuesit e Bellingham, thuhet se është i gatshëm të “lëvizë tokën” për të parë reprezentuesin anglez të kalojë në Stamford Bridge.
Megjithatë, skuadra e Graham Potter e di se një marrëveshje mund të jetë e vështirë, me rivalët e Premierligës, Liverpool dhe Manchester City përpara tyre në garë, dhe Chelsea thuhet se do të duhet gjithashtu të mposht Real Madrid-in nëse duan të sigurojnë nënshkrimin e tij.
Pasi transferimi prej 121 milionë eurosh i Chelsea-t për Enzo Fernandez e çoi shpenzimin e tyre të transferimit në merkaton e fundit në mbi 600 milionë euro, duket sikur Chelsea nuk ka ndërmend të ngadalësojë ritmin.
Dortmund-i ka të ngjarë të kërkojë një tarifë transferimi prej rreth 150 milionë euro, që do t’i shihte Blutë të thyejnë rekordin e transferimeve në Premier League për herë të dytë që kur Boehly mori drejtimin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit