“KQZ i ka kërkuar Ministrisë së Brendshme shtyrjen e afatit të vlefshmërisë së dokumenteve të identifikimit biometrik”.
Faktin e ka bërë të ditur Komisioneri Shtetëror i Zgjedhjeve, Ilirjan Celibashi.
Në një postim në Twitter, Celibashi saktëson se “me qëllim ushtrimin e të drejtës së votës nga qytetarët, të cilëve u bëhet i pavlefshëm dokumenti i identifikimit biometrik përpara 25 prillit, kërkohet kjo shtyrje”.
📌Me qëllim ushtrimin e të drejtës së votës nga qytetarët, të cilëve në #25Prill2021 u bëhet i pavlefshëm dokumenti i identifikimit biometrik, KQZ i ka kërkuar Ministrisë së Brendshme shtyrjen e afatit të vlefshmërisë së dokumenteve të identifikimit biometrik.@PuneteBrendshme
— Ilirjan Celibashi (@ICelibashi) March 5, 2021
Në Shqipëri do të aplikohet për herë të parë identifikimi elektronik i votuesve. Për këtë procedurë, është i domosdoshëm dokumenti i identifikimit.
Për shkak se shumë shtetasve u mbaronte vlefshmëria e kartave të identitetit apo pasaportave përpara zgjedhjeve, u shtrua si problem fakti se qytetarët nuk mund të votonin.
Thirrje është bërë edhe nga presidenti Ilir Meta, për shtyrjen e afatit të vlefshmërisë.
Ndërkohë, thirrje të tjera ka pasur për qytetarët, që të aplikojnë për kartat e reja të identitetit. Ambasadorja amerikane, Yuri Kim, ka qenë ndër të parat që apeloi qytetarët të rinovonin kartat.
Zyrat e aplikimeve kanë qëndruar të hapura edhe gjatë ditëve të shtuna përgjatë shkurtit.
Një vendim i Ministrisë së Brendshme mbi çështjen nuk dihet ende. Një numër i saktë i personave që janë me dokumente identifikimi të pavlefshme, gjithashtu.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Sadushi: S’duam lëmoshë, të plotësohen detyrimet për gjyqësorin
-
Mungesa e fuqisë punëtore, Shqipëria në negociata për të marrë 40 mijë punonjës të huaj
-
OKB mbështet kërkesën palestineze për anëtarësim, Shqipëria abstenon
-
Aliu prapë tenton ta fshehë aferën me ambalazhues: Mandati im i bëri më të përgjegjshëm