Bundeliga zhvillon javën e parafundit në një kampionat që tani njeh kampionin, por jo edhe skuadrat e kualifikuara në Evropë dhe ato që bien nga kategoria.
Wolfsburg, Dortmund dhe Eintracht luftojnë për dy vendet e fundit në Champions.
Dy të parat zhvillojnë ndeshjet e tyre nesër, kurse Eintracht-i luan sot.
Skuadra nga Frankfurt-i udhëton për t’u përballur me Schalke-n, tanimë të rënë nga kategoria.
Një fitore, do t’i ngjiste shqiponjat përkohësisht në vendin e tretë.
Monchengladbach, Union Berlin dhe Freiburg luftojnë për vendin e fundit në Conference League.
Të parët presin Stuttgarti-n në shtëpi.
Punë më të vështirë ka Union Berlind, të cilët do të jenë mysafirë të Leverkusen-it, që tani ka siguruar pjesëmarrjen në Europa League.
Freiburg-i në anën tjetër, pret kampionët e Bayern-it, në një ndeshje që është shumë e rëndësishme për ta.
Augsburg, Werder Bremen, Arminia Bielefeld dhe Koln luftojnë për të siguruar dy vendet e fundit që sigurojnë mbetjen zyrtare në ligë.
Dy të parat luajnë me njëra tjetrën.
Një fitore do t’ia siguronte Augsburg-it zyrtarisht mbetjen në ligë.
Kurse, Werder-i i Milot Rashicës, është e detyruar që të paktën ta shmangë humbjen, në të kundërtën rrezikon shumë.
Arminia dhe Koln presin skuadra pa asnjë objektiv.
Të parët ndeshen me Hoffenheim-in, kurse Koln udhëton në kryeqytet për t’u përballur me Hertha-n.
Të gjitha ndeshjet zhvillohen në të njëjtin orar, 15:30.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit
