Presidenti i Shteteve të Bashkuara të Amerikës (SHBA), Joe Biden, pritet të telefonojë Mbretin e Arabisë Saudite, Salman bin Abdulaziz al-Saud, përpara publikimit të planifikuar të një raporti të inteligjencës amerikane që zbulon detaje për zhdukjen dhe vrasjen e gazetarit të shquar Jamal Khashoggi.
Duke cituar një burim, faqja e lajmeve Axios, raportoi të martën se “nxjerrja e menjëhershme e raportit” mund të përfshijë një nga bijtë e mbretit, pa përmendur asnjë emër.
Çështje të tjera ka të ngjarë të diskutohen, por çështja Khashoggi mund të dominojë titujt kryesorë, shtoi raporti.
Dokumenti i paklasifikuar nga Zyra Amerikane e Drejtorit të Inteligjencës Kombëtare (DNI) thuhet se nënkupton që Princi i Kurorës Saudite, Mohammed bin Salman, i njohur gjithashtu si MBS, ishte i përfshirë në vrasjen e Khashoggi-t dhe copëtimin e trupit të tij.
Khashoggi ishte kolumnist i gazetës Washington Post dhe kritik i politikave të qeverisë Saudite. Ai u vra nga një ekip agjentësh sauditë në ambasadën e Arabisë Saudite në Stamboll, në tetor 2018. Ai kishte shkuar në ndërtesë për të marrë dokumentet që i duheshin për martesën e tij.
Mediat amerikane më vonë raportuan se Agjencia Qëndrore e Inteligjencës (CIA) kishte rënë në përfundim se MBS ishte i përfshirë.
MBS ka mohuar akuzat, por ka pranuar përgjegjësinë si udhëheqësi de facto i mbretërisë.
MBS nuk ka folur më parë me Biden. Megjithëse si ministër i mbrojtjes së vendit, ai bëri një telefonatë me Sekretarin e Mbrojtjes të SHBA-së, Lloyd Austin.
Refuzimi i Trump
Në përgjigje të vrasjes, Kongresi Amerikan miratoi legjislacionin që DNI-ja të lëshojë një raport të paklasifikuar për vrasjen e Khashoggi-t.
Administrata Trump refuzoi të lëshojë raportin e plotë në kundërshtim me ligjin. Ata u thënë ligjvënësve se zbulimi i informacionit do të rrezikonte burimet dhe metodat e zyrës së inteligjencës kombëtare.
Ish presidenti i SHBA, Donald Trump, u pa si mbështetës i monarkisë Saudite, veçanërisht i MBS-së. Trump zgjodhi Riadin si destinacion për vizitën e tij të parë të huaj, duke forcuar lidhjet e tij me vendin.
Biden po lëviz për të rikalibruar lidhjet SHBA- Arabi Saudite. Ai i dha fund mbështetjes së SHBA-së për operacionin e udhëhequr nga Sauditët në Jemen dhe duke rifilluar bisedimet me Iranin, një veprim që Riadi po e kundërshton.
Drejtoresha i Inteligjencës Kombëtare, në administratën e Biden, Avril Haines, gjithashtu u zotua gjatë seancës së saj të konfirmimit në Senat se ajo kishte për qëllim të tregonte raportin e paklasifikuar Khashoggi.
Grupet e të drejtave të njeriut dhe ekspertët e Kombeve të Bashkuara kanë denoncuar vrasjen e Khashoggi dhe së bashku me ligjvënësit amerikanë, kanë kërkuar prej kohësh për lëshimin e raportit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet