Presidenti i Shqipërisë, Bajram Begaj, ia ka uruar presidentes së Kosovës, Vjosa Osmanit, 16 vjetorin e Pavarësisë së Kosovës duke thënë se Shqipëria do të jetë krah i Kosovës përballë çdo kërcënimi.
“Shqipëria do të jetë gjithmonë krah Kosovës, në çdo hap të saj për përballimin e çdo kërcënimi si dhe për anëtarësimet e reja në organizata ndërkombëtare”, ka thënë Presidenti Begaj në telegramin e urimit.
Ai tutje e ka vlerësuar bashkëpunimin mes Kosovës dhe Shqipërisë në vitet e fundit.
“E vlerësoj intensifikimin dhe zgjerimin e marrëdhënieve tona, sidomos në kuadër të bashkëpunimit të natyrshëm strategjik, si dy republika të një kombi, fatet e të cilat janë të lidhura pashmangshmërisht me qytetërimin euroatlantik”, thuhet në letrën e presidentit Begaj dërguar Osmanit.
Urimi i Begaj vjen me rastin e 16 vjetorit të Pavarësisë së Kosovës.
Osmani, gjatë ditës me rastin e pavarësisë ka pranuar letër edhe nga presidenti i Shteteve të Bashkuara të Amerikës, Francës, Gjermanisë dhe nga Mbreti i Mbretërisë së Bashkuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Euro pranë rënies nën 100 lekë, çfarë pritet?
-
Arsimi është tkurrur, bie me 3.7% numri i nxënësve dhe studentëve në vitin e fundit akademik
-
Si u zbulua rrjeti ndërkombëtar i mashtrimi përmes call center, ku përfshihet dhe Shqipëria
-
Aksident tragjik në Durrës – Vritet në vendngjarje çiklisti, shoferi arratiset
