Klubi i Bayern Munich-ut ka dal haptazi kundër rregullave të reja që po ideohen për Fair-Play Financiar në futboll.
Më saktë, gjermanët po kundërshtojnë taksën e luksit, që pritet t’u vendoset klubeve që shpenzojnë më tepër në raport me të ardhurat.
“Fair-play financiar ishte një ide e mirë, por përjashtimet u bënë shumë shpejt,” tha Herbert Hainer, presidenti i Bayern Munich-ut në një intervistë për “Kicker”.
“Këtu puna duhet të bëhet në mënyrë më rigoroze dhe përmirësime duhet të bëhen”.
“Taksa e luksit? Unë nuk jam aspak i bindur për këtë taksë luksi. Për konkurrencë të ndershme, keni nevojë për rregulla të vlefshme me pasoja të dukshme”.
“Shumë shpesh në të kaluarën, përpjekjet delikate për sanksione u rishikuan ose u zbutën. Nuk mund të funksionojë kështu”, përfundoi Hainer-i.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com