Java e 12 në Bundesliga gjermane do të fillojë me përballjen mes kampionëve në fuqi, Bayern Munich-ut dhe Augsburg-ut. Sfida do të luhet në “WWk Arena”, duke filluar nga ora 20:30.
Skuadrat vijnë pothuajse me kondigjent të plotë lojtarësh në këtë përballje. Te vendasit e Augsburg-ut mungojnë Tobias Strobl-i dhe Noah Joel Sarenren Bazee. Për bavarezet mungon Sven Ulreich-i dhe Niklas Sule.
Pas 11 javëve të luajtura, Bayern-i udhëheq kampionatin me 28 pikë. Vendasit renditen të 16-ët me nëntë pikë.
Në pesë ndeshjet e luajtura në shtëpi, Augsburg-u ka arritur dy fitore, dy humbje dhe një barazim. Bayern-i në transfertë numëron katër fitore dhe një barazim.
Ndeshjen e fundit në kampionat, para pauzës së kombëtareve, Bayern-i e fitoi me rezultatin 2-1 përballë Freiburg-ut, Augsburg-u humbi 1-0 përballë Wolfsburg-ut.
Përballja e fundit mes dy ekipeve ishte para gjashtë muajsh. Bayern-i fitonte në shtëpi me rezultatin 5-2.
Robert Lewandowski i Bayern-it është golashënuesi më i mirë në Bundesliga me 13 gola. Polaku ka katër gola më shumë se sa ka shënuar e gjithë skuadra e Augsburg-ut këto 11 javë të para në kampionat. Golashënuesi më i mirë te vendasit është Florian Niederlechner-i me tre gola.
Thomas Muller, po i Bayern-it është asistuesi më i mirë në Bundesliga, me tetë asiste. Ruben Vargas është asistuesi më i mirë te Augsburg-u, me dy asiste.
Bundesliga do të vijojë me ndeshjet e tjera të javës së 12:
Të shtunën
Dortmund – Stuttgart
Hoffenheim – Leipzig
Leverkusen – Bochum
Monchengladbach – Greuther Furth
Union Berlin – Hertha
Të dielën
Freiburg – Eintracht Frankfurt
Mainz – Koln
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit