Ministri i Jashtëm turk, Mevlut Çavuşoğlu, ka deklaruar të martën e 7 shtatorit se autoritetet turke po punojnë me Katar-in dhe Shtetet e Bashkuara për operimin e aeroportit të Kabul-it.
Sipas Çavuşoğlu-s, siguria e aeroportit ishte çështja kryesore dhe po bisedojnë me talebanët.
Çavuşoğlu i tha transmetuesit turk “NTV” se 19 teknikë turq ishin në Kabul, për të zhvilluar bisedime me katariasit për aeroportin.
Turqia zyrtare ka kërkuar garanci për njësitë e saj nga talebanët. Në të kundërt ajo nuk do të merrte pjesë në misionin e aeroportit.
Çavuşoğlu tha se talebanët mund të garantojnë siguri jashtë aeroportit, por ata do të kenë nevojë për një mekanizëm më të besueshëm brenda.
Mediat turket shkruajnë se një kompani private e sigurisë mund të përdoret për misionin. Kjo, nëse talebanët këmbëngulin që të mos kenë fuqi të huaja në Afganistan, tha ndër të tjera Çavuşoğlu.
“Vrull pozitiv në bisedimet me Emiratet e Bashkuara Arabe”
Ministri turk shtoi gjithashtu në deklaratën e tij për mediat se kishte një vrull pozitiv në diskutimet e Turqisë me Emiratet e Bashkuara Arabe.
Kjo, për t’i dhënë fund një përçarje shumëvjeçare. Sipas Çavuşoğlu-s, lidhjet mund të kthehen në rrugën e duhur nëse ruhet ky vrull.
Ministri nënvizoi se “lidhjet midis të dy shteteve mund të normalizohen nëse ka hapa reciprokë dhe kushtet janë të përshtatshme”.
Antony Blinken
Shtetet e Bashkuara të Amerikës (SHBA) po “punojnë ngushtë” me aleatët e saj në Turqi-Katar për rihapjen e shpejtë të Aeroportit Ndërkombëtar të Kabul-it “Hamid Karzai”.
Lajmin e bёri tё ditur Sekretari i Shtetit tё SHBA-ve, Antony Blinken.
“Ne po punojmë ngushtë me partnerët tanë Katarin dhe Turqinë për të ndihmuar në funksionimin sa më të shpejtë të aeroportit në Kabul”, u tha ai gazetarëve.
Blinken dhe Sekretari i Mbrojtjes Lloyd Austin do të vizitojnë Katar-in në një përpjekje të përbashkët për të falënderuar mbretërinë për përpjekjet e saj të vazhdueshme në Afganistan, sipas njoftimeve të tyre më 3 shtator.
Draft-marrëveshja
Erdogan tha gjatë një fjalimi televiziv – të premten e 27 gushtit – se talebanët i kishin ofruar Turqisë mundësinë për të drejtuar aeroportin, por vazhdoi të këmbëngulte në garantimin e sigurisë me luftëtarët e saj.
Pikat kryesore të draft marrëveshjes përfshijnë; Turqia njeh talebanët si qeveri legjitime të Afganistanit; Turqia dhe Katari operojnë aeroportin nëpërmjet një konsorciumi; Ankaraja garanton sigurinë përmes një firme private, stafi i së cilës do të përbëhet nga ish ushtarë dhe policë turq; pjesëtarët shtesë të forcave speciale turke, që veprojnë me rroba për të siguruar stafin teknik turk, nuk largohen nga perimetri i aeroportit.
Një çështje e pazgjidhur në rrugën e marrëveshjes është se ish-qeveria afgane tashmë i kishte dhënë një kontratë për aeroportin tetorin e kaluar një konsorciumi me bazë në Emiratet e Bashkuara Arabe.
Talebanët do të duhet të përfundojnë një marrëveshje të veçantë me ta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ish-piloti i Marinës amerikane i arrestuar në Australi ka punuar me hakerët kinezë, thotë avokati
-
Hetimi ndaj Trump | Johnson: Do ta mbajmë përgjegjës Smithin për abuzimet
-
Vdes njeriu që kishte transplantuar për herë të parë veshkën e derrit
-
Zimmerman: Kosova mund të pranohet në Këshillin e Evropës si anëtare e asociuar
Lajmet kryesore
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Putin shkarkon Shoigun dhe cakton një ministër të ri Mbrojtje, në mes të luftës
-
Zimmerman: Kosova mund të pranohet në Këshillin e Evropës si anëtare e asociuar