Nënkryetari i Bashkisë së Mariupol-it, Sergei Orlov, konfirmoi informacionin për sulmin kimik të pushtuesve rusë në qytet.
Lajmi bëhet i ditur nga mediat ukrainase, të cilat citojnë një deklaratë të Orlov-it, shkruan Albanian Post.
“Ne nuk mund të japim informacion më të detajuar. Por ne kemi konfirmim nga ushtria se kjo ka ndodhur”, theksoi Orlov.
Mjekët sqarojnë se të gjitha viktimat kishin të njëjtat simptoma: skuqje të fytyrës, presion të lartë të gjakut, thatësi dhe urth të faringut, mukozave të syve dhe gulçim.
Të gjithë të prekurit nga sulmi janë në “gjendje të kënaqshme”, zbulojnë autoritetet vendase.
Forcat ruse paralajmëruan më herët se mund të përdorin armë kimike në Mariupol.
Ishte militanti rus nga Donetsk-u, Eduard Basurin, i cili u shpreh se ushtarët ukrainas të Mariupol-it duhet të bllokohen në uzinën Azovstal dhe më pas të përdoren armë kimike ndaj tyre.
Kërcënimi u parapri nga raportimet e Inteligjencës Britanike të Mbrojtjes.
Kjo e fundit theksoi mëngjesin e 11 prillit se kishte një probabilitet të lartë që trupat ruse të përdornin municione fosfati në Mariupol-in e bllokuar.
Armët kimike janë armë të shkatërrimit në masë dhe përdorimi i tyre është ndaluar disa herë me marrëveshje të ndryshme ndërkombëtare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ish-piloti i Marinës amerikane i arrestuar në Australi ka punuar me hakerët kinezë, thotë avokati
-
Hetimi ndaj Trump | Johnson: Do ta mbajmë përgjegjës Smithin për abuzimet
-
Vdes njeriu që kishte transplantuar për herë të parë veshkën e derrit
-
Zimmerman: Kosova mund të pranohet në Këshillin e Evropës si anëtare e asociuar
Lajmet kryesore
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Putin shkarkon Shoigun dhe cakton një ministër të ri Mbrojtje, në mes të luftës
-
Zimmerman: Kosova mund të pranohet në Këshillin e Evropës si anëtare e asociuar