‘Shpërthimi’ i produksioneve kinematografike koreane në platformën Netflix, ngadalë, po i liron kufijtë gjuhësorë.
Kanë qenë dënimet e qenieve jotokësore të Hellbound-it dhe garuesit në lojërat me ndëshkime fatale të Squid Game-it, që kanë vulosur suksesin korean.
E tani, radhën për të folur në Netflix e ka shqipja. Jo me lojëra, por me histori.
I titulluar “Arbëria”, ky është filmi i parë shqiptar që do të shfaqet në Netflix. Dhe data është e afërt, 23 e këtij muaji të ftohtë dhjetor.
Ky film është i pari tërësisht artistik në gjuhën arbëreshe në histori.
Me regjisore Francesca Oliveri-n, filmi nxjerr në pah lidhjet e forta të rrënjëve dhe trashëgimisë kulturore të pakicës që jeton në disa fshatra në Kalabri dhe Bazilikatë.
Kalabrezja ka zgjedhur të pasqyrojë jetën e arbëreshëve në Itali, duke ndjekur rrjedhat e një historie dramatike.
Në film, do të shfaqet shpesh aktorja Caterina Misasi. Ajo është protagonistja e filmit. Gjithashtu fituese e Çmimit Publik në festivalin e filmit, “Dea”, në Tiranë.
Nën petkun e Aida Greco-s, një stilisteje të njohur, aktorja e kthen në realitet imazhin e krijuar nga krijuesja e filmit.
Me vdekjen e babait të saj, ajo kthehet në fshatin ku lindi. Ky i fundit është i vendosur midis Kalabrisë dhe Bazilikatës.
Çka pason është një ballafaqim brezash tërësisht femëror.
Ai do ta lejojë Aidën të përballet me distancën e krijuar ndër vite mes vetes dhe komunitetit, të cilit ajo i përket.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kevin Spacey kritikon dokumentarin e ardhshëm që do të shqyrtojë akuzat ndaj tij për abuzim dhe sjellje të pahijshme seksuale
-
Paul Rudd dhe Nick Jonas do të luajnë në komedinë muzikore “Power Balad” të regjisorit John Carney
-
“The Fall Guy” nuk arrin lartësitë e nevojshme për të bërë një spërkatje vërtet të madhe
-
Amy Schumer dhe Jennifer Lawrence synojnë të sjellin një film, por jo komedinë e premtuar vite më parë