Gazeta italiane, “La Gazzetta dello Sport”, pretendon se skuadra nga Arabia Saudite, Al-Ahli, e ka rritur ndjeshëm ofertën e tyre për Paul Pogba-n në një përpjekje për ta transferuar nga Juventusi.
30-vjeçari francez ndezi thashethemet pasi u pa në Jeddah kohët e fundit. Ndërsa udhëtimi ishte për arsye personale, ai raportohet se vizitoi objektet e Al-Ittihad dhe Al-Ahli.
Javën e kaluar dolën raporte se Pogba-s i ishte ofruar një marrëveshje trevjeçare me vlerë rreth 100 milionë euro neto nga Al-Ahli, një ofertë e cila me sa duket nuk arriti ta bindte mesfushorin.
Siç raportohet nga “La Gazzetta dello Sport”, Al-Ahli tani është gati të dërgojë një ofertë të re për Pogba-n me vlerë rreth 150 milionë euro në total gjatë tre viteve.
Në anën tjetër, thuhet se Juventus-i do të ishte i gatshëm ta shesë francezin për vetëm 10 milionë euro këtë verë, duke i lejuar ata të shmangin humbjen e kapitalit për 30-vjeçarin, i cili fiton mbi 10 milionë euro bruto në sezon në Torino.
Mediumi francez, “L’Equipe” raportoi dje se Pogba nuk ishte i interesuar për lëvizjen drejt Arabisë Saudite, i prirur për të shpenguar veten me Juventus-in.
Sezoni i fundit ishte dëshpërues për Pogba-n, i cili luajti vetëm 161 minuta në 10 paraqitje gjithsej, duke u përballur me një numër të madh dëmtimesh.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Apeli i ‘shurdhët’ i Celibashit për mundësimin e votës së diasporës
-
“Reporterët Pa Kufij”: Liria e shtypit në Shqipëri po kërcënohet nga politika
-
Turqia ndalon tregtinë me Izraelin, derisa të ‘lejohet hyrja e pandërprerë e ndihmave në Gaza’
-
Kosova tenton ta bindë BE-në për heqjen e masave ndëshkuese – nëpërmjet fotografive
