Ajri i ndotur ka vrarë më shumë se gjysmë milioni njerëz në Bashkimin Evropian në vitin 2021.
Dhe rreth gjysma e vdekjeve mund të ishin shmangur duke ulur ndotjen në kufijtë e rekomanduar nga mjekët.
Studiuesit nga Agjencia Evropiane e Mjedisit ia atribuan 253 mijë vdekjeve të hershme përqendrimeve të grimcave të imëta të njohura si PM2.5 që shkelën kufijtë maksimal të udhëzimeve të Organizatës Botërore të Shëndetësisë prej 5 μg/m3.
52 mijë vdekje të tjera janë shkaktuar nga nivelet e tepërta të dioksidit të azotit dhe 22 mijë nga ekspozimi afatshkurtër ndaj niveleve të tepërta të ozonit.
“Shifrat e publikuara sot nga EEA na kujtojnë se ndotja e ajrit është ende problemi numër një i shëndetit mjedisor në BE”, ka thënë Virginijus Sinkevičius, komisioneri i mjedisit i BE-së.
Sipas mjekëve, ndotja e ajrit është një nga vrasësit më të mëdhenj në botë.
Por numri i të vdekurve mund të ulet shpejt nëse vendet pastrojnë ekonomitë e tyre.
Midis viteve 2005 dhe 2021, numri i vdekjeve nga PM2.5 në BE ra me 41 për qind, dhe BE synon të arrijë në 55 për qind deri në fund të dekadës.
OBSH, e cila shtrëngoi udhëzimet e saj për cilësinë e ajrit në vitin 2021, paralajmëron se asnjë nivel i ndotjes së ajrit nuk mund të konsiderohet i sigurt, por ka vendosur kufijtë e sipërm për disa ndotës.
Parlamenti Evropian votoi në shtator për të harmonizuar rregullat e BE-së për cilësinë e ajrit me OBSH-në, por vendosi ta shtyjë këtë deri në vitin 2035.
“Lajmi i mirë është se politika e ajrit të pastër funksionon dhe cilësia e ajrit tonë po përmirësohet”, ka thënë Sinkevičius.
“Por ne duhet të bëjmë akoma më mirë dhe të ulim më tej nivelet e ndotjes”.
Për herë të parë, EEA vlerësoi barrën e plotë të sëmundjeve nga ndotja e ajrit.
Përveç numrit të parë të vdekjeve, studiuesit përcaktuan se sa vite të tjera po jetonte popullsia me sëmundjet e shkaktuara nga ajri i keq.
Për disa probleme shëndetësore, si kanceri i mushkërive dhe sëmundjet ishemike të zemrës, hapi shtesë ndryshoi pak. Por për të tjerët, si astma, zbuloi nivele të larta vuajtjesh që ishin anashkaluar në statistikat e vdekshmërisë.
Për sëmundjen pulmonare obstruktive kronike të shkaktuar nga ndotja PM2.5 në vitin 2021, EEA vlerësoi se rreth 150 mijë vite jetë kanë humbur në të gjithë BE-në dhe po aq vite të paaftësisë.
Djegia e lëndëve djegëse fosile, drejtimi i makinave dhe blegtoria lëshojnë vëllime të mëdha gazi toksik dhe grimca të dëmshme që njerëzit më pas i marrin nëpërmjet frymëmarrjes.
Më e vogla nga këto grimca, e njohur si PM2.5, mund të kalojë në qarkullimin e gjakut, ku ato përhapen nëpër trup dhe dëmtojnë organet nga truri deri te organet riprodhuese.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama mirëpret vendimin e KE-së për planin e rritjes së Ballkanit, e quan shtysë të re për zgjerimin
-
Stano: Për heqjen ose jo të masave ndëshkuese ndaj Kosovës, do vendoset pasi të përfundojë raporti i Këshillit të BE-së
-
Kalvari i vuajtjeve të 25-vjeçarit në Miami, mes torturave në burg dhe talljeve të efektivëve
-
Haradinaj: Përgjithmonë krenar me heroizmin dhe mirënjohës për sakrificën e popullit tonë për liri
Lajmet kryesore
-
Rama mirëpret vendimin e KE-së për planin e rritjes së Ballkanit, e quan shtysë të re për zgjerimin
-
Me tensione të herëpashershme, mbyllet protesta e opozitës para Bashkisë Tiranë
-
Betimi i Putinit – Oligarkë, patriarkë dhe nipër sekretë
-
Policia gjen kamera ilegale në kufi me Serbinë, dyshohet se përdoreshin nga kontrabanduesit