Aludimet për një album të ri të rep artistit Jay-Z qarkulluan rreth mediave sociale pasditen e së dielës të 28 janarit, pasi regjisori Hidji World postoi një imazh në Instagram duke lënë të kuptohet se ai ishte në xhirime me yllin e repit.
World ndau një mesazh që thoshte se ai po “xhironte sot” me Jay-Z, shkruan Billboard, transmeton AlbanianPost.
Në një tjetër, ai ngacmoi një foto të një filmi të parë të etiketuar “Jay Z-2024 Album”.
Emri i Hidji ishte shkruar si regjisor, dhe emri i drejtorit të fotografisë Leroy Farrell ishte gjithashtu i listuar.
Ndërsa thashethemet për një album të ri të supozuar të Jay-Z filluan të përhapeshin, Roc Nation u përgjigj shpejt.
Kompania e artistit, përmes një postimi në platformën X (ish-Twitter), ripostoi një lajm ku thuhej “Një album i ri nga Jay Z po vjen në vitin 2024”, dhe jo vetëm.
Roc Nation mbishkroi – “Ky është një lajm për ne”, kësisoj duke e lënë enigmë prurjen e një albumi të mundshëm nga bashkëshorti i Beyonce.
That’s news to us https://t.co/19LGtkhtlN
— Roc Nation (@RocNation) January 28, 2024
Albumi i fundit solo i plotë i Jay-Z ishte ai i vitit 2017 “4:44”, i cili debutoi dhe kaloi dy javë në numrin 1 në Billboard 200.
Në vitin 2018, ai publikoi “Everything Is Love” me Beyonce si “The Carters”, që ishte grupi i parë i përbashkët nga dyshja burrë e grua.
“Do të them se dua të bëj muzikë, por duhet të jetë diçka e rëndësishme”, tha ai në një intervistë me Gayle King vjeshtën e kaluar.
“Nuk dua të bëj vetëm një mori melodish. Kjo nuk do të më shërbejë. Nuk do të më ushqejë, para së gjithash. Duhet të them diçka të rëndësishme. Duhet të nënkuptojë diçka, e dini? Duhet të thotë diçka për një shoqëri më të madhe”, pati shtuar ai.
Jay-Z shtoi, “Ashtu si ‘4:44’, për shembull, ishte një histori personale, por sasia e cenueshmërisë aty lejoi që shumë njerëz të eksploronin hapësirën.”
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Beteja” mes Drake dhe Kendrick Lamar – Dua Lipa në rolin e prezantueses televizive elaboron situatën
-
Koncerti falas i Madonna-s tërheq 1.6 milionë njerëz në plazhin Copacabana të Brazilit
-
Europapa apo Baby Lasagna? – Garuesit për t’u pasur kujdes në Eurovision 2024
-
Kur u bëra meme ishte poshtëruese dhe lënduese – Dua Lipa shfaq çdo anë të saj pa dorashka për The Guardian
Lajmet kryesore
-
Rama mirëpret vendimin e KE-së për planin e rritjes së Ballkanit, e quan shtysë të re për zgjerimin
-
Me tensione të herëpashershme, mbyllet protesta e opozitës para Bashkisë Tiranë
-
Betimi i Putinit – Oligarkë, patriarkë dhe nipër sekretë
-
Stano: Për heqjen ose jo të masave ndëshkuese ndaj Kosovës, do vendoset pasi të përfundojë raporti i Këshillit të BE-së
