Përurohet Shtegu i Lirisë “Pashtriku” në Has, Kurti: Dëshmorëve ua kemi borxh gëzimin e lirisë
Në malin Pashtrik – Has – është përuruar Shtegu i Lirisë “Pashtriku”, ku 25 vjet më parë ranë dëshmorë 42 ushtarë të Ushtrisë Çlirimtare të Kosovës (UÇK), të cilët ishin duke bërë transportimin e armatimeve nga Shqipëria në Kosovë.
Përmes këtij Shtegu të Lirisë përkujtohen sakrificat dhe heroizmi i luftëtarëve të UÇK-së, por që do të shërbejë edhe si pistë për garat me motoçikleta.
Në këtë përurim, i pranishëm ishte edhe Kryeministri i Kosovës, Albin Kurti, por edhe kryetari i Bashkësisë së Krumës, Miftar Dautaj.
Në fjalën e tij, kryeministri ka thënë se “jemi ne populli pasardhësit e UÇK-së, të cilët kremtojmë edhe çlirimin e vendit tonë por njëkohësisht përkujtojmë sakrificën, flijimin, rënien heroike të atyre dëshmorëve të cilëve ua kemi borxh edhe gëzimin e lirisë edhe shtetin që e gëzojmë”.
“Lavdi gjithë dëshmorëve të UÇK-së dhe u qoftë i mbarë rrugëtimi të gjithë motoçiklistëve”, tha Kurti.
Ndërsa, Dauti ka theksuar se shtegu nuk është vetëm vend përkujtimi e nderimi, por edhe një frymëzim për brezat e ardhshëm.
“Një shteg që ka një domethënie jashtëzakonisht të madhe, një shteg që do të përjetësohet me emrin tij dhe brezat që do të vijnë mbrapa duke u nisur nga emri i shtegut lirisë do t’i kujtojnë vuajtjet që ka kaluar populli Kosovës për të arritur në këtë ditë, ku sot ne po gjejmë rrugë të ndryshme që të bashkojmë kufirin e shqiptarëve mes veti dhe të heqim barrierat që kemi pasur deri më sot”, theksoi ai.
Shtegu i Lirisë në Pashtrik, përshkon gjatësi prej 27 km, për të kaluar nga Kruma në Cahan, nga Stanet e Pashtrikut deri te Likenet e Hasit.
Federata e Motoçiklizmit të Kosovës, të shtunën për herë të parë organizon garën “Kupa e Kosovës” me pjesëmarrës nga Kosova, Shqipëria dhe Maqedonia e Veriut, të cilët do të nisin garën nga Likenet e Hasit për ta përmbyllur atë në Krume.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Borrell: Kosova s’ishte e gatshme për takim trelateral, Kurti paraqiti tri kushte
-
Gonzato takim me kreun e KLSH-së: Institucioni, rol vendimtar antikorrupsional
-
Rama flet rreth “dashurisë së verbër” për Evropën dhe zbulon nëse Netanyahu do të arrestohej në Shqipëri pas vendimit të GJNP-së
-
Dialogu vazhdon në fillim të korrikut, në nivel të kryenegociatorëve