![](https://albanianpost.com/wp-content/uploads/2024/05/QSOGDE7PZFCLJDD7T3VIUOBJAY-scaled.jpg)
Paul Pogba do të shfaqet në një film francez të regjisorit Fabien Onteniente, duke luajtur rolin e edukatorit për futbollistët e rinj.
Ylli i përjashtuar i Juventus-it, Pogba, së shpejti do të shfaqet në një film francez të quajtur “4 Zeros”, raporton “Le Parisien”.
Sipas gazetës franceze, fituesi i Kupës së Botës 2018 ishte në Rueil-Malmaison, në periferinë perëndimore të Parisit, në fillim të kësaj jave për të xhiruar disa skena.
Pogba thuhet se është zgjedhur për të luajtur rolin e edukatorit të futbollistëve të rinj dhe ka impresionuar ekipin me spontanitetin e tij.
“Ai i mahniti të gjithë me natyrshmërinë dhe thjeshtësinë e tij. Ai e vlerësoi dukshëm përvojën dhe tha se ishte gati, pse jo, ta vazhdonte më tej”, tha një anëtar i ekipit të xhirimit për “Le Parisien”.
Gazeta franceze ka publikuar edhe disa foto të francezit në xhirimet me regjisorin Onteniente.
Shkurtin e kaluar, gjykata italiane e antidopingut e ndaloi Pogba-n për katër vjet pasi francezi kishte dështuar në një test dopingu në gusht 2023. Ish-mesfushori i Manchester United tha se do të apelonte vendimin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Basha përjashton çdo mundësi bashkëpunimi me Berishën
-
Shqipëria në stërvitje intensive përpara Kroacisë, Asani kthehet me ekipin
-
‘Shota’ prezantohet në Paris – Makina e parë ushtarake shqiptare, pjesë e panairit EUROSATORY
-
Kurti: Disa kryetarë edhe na kritikojnë, edhe i paraqesin si suksese komunale investimet e Qeverisë