“Që nga fillimi i vaksinimit, në palestrën “1 Tetori” në Prishtinë dhe në shtatë komunat ku është i organizuar Kujdesi Dytësor Shëndetësor, janë vaksinuar mbi 2 mijë e 500 punonjës të institucioneve shëndetësore”, ka njoftuar Ministria e Shëndetësisë në Kosovë.
Në këtë njoftim thuhet se përmes vaksinimit kundër COVID-19, synohet të arrihet imunizimi aktiv për të parandaluar COVID-19, të shkaktuar nga virusi SARS-Cov-2.
Tutje në njoftim është sqaruar se sipas planit shtetëror të vaksinimit kundër Coronavirusit, vaksinimi edhe në ditët në vijim shtrihet në mesin e punonjësve shëndetësor në kujdesin parësor dhe më pas edhe te moshat e shtyra.
Vaksinimi në Kosovë ka nisur më 30 mars, ndërsa dy ditë më parë 24 mijë doza të vaksinës nga kompania AstraZeneca në Kosovë i solli Fondi i Emergjencës i Kombeve të Bashkuara për Fëmijët (UNICEF).
Ndërsa sipas statistikave të Institutit Kombëtar të Shëndetit Publik, numri total i rasteve pozitive në Kosovë është 93 mijë e 655 ku 14 mijë e 307 mbesin raste aktive.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet