Teherani dhe Washington-i janë në rrugë të mbarë për t’iu rikthyer marrëveshjes bërthamore të vitit 2015. Progresi gjithsesi, nuk është i lehtë.
Një shenjë pozitive ka ardhur pasi dy palët kanë rënë dakord të takohen në Vienë të martën.
Marrëveshja e njohur si JCPOA, është nën mbikëqyrjen e Francës, Britanisë së Madhe, Gjermanisë, Kinës, BE-së dhe Rusisë. Të gjitha këto janë pjesëtare në pakt.
Një takim virtual u mbajt midis këtyre vendeve, ku u dakordësuar edhe takimi fizik midis përfaqësuesve të SHBA-së dhe atyre iranianë.
Ambasadori rus në Vienë, Mikhail Ulyanov, e përshkroi takimin si “një mbledhje biznesi”. “Perceptimi është se jemi në rrugë të mirë por ka ende udhë të gjatë përpara dhe do të duhen shumë përpjekje”.
Sipas tij, pozicioni i SHBA-së ka ndryshuar shumë që nga qëndrimi i fundit.
Me ardhjen e administratës Biden, SHBA-ja pati qasje afruese nga marrëveshjes. Gjithsesi, Sekretari i Shtetit amerikan, Antony Blinken, reagoi duke thënë se “Irani duhet të kryente detyrat e shtëpisë fillimisht”.
Pala iraniane nga ana tjetër, e mori këtë si kërcënim. Thirrje iu bënë SHBA-së, se “gjithçka thuhej nga ata, duhet të ishte e ndërsjelltë”.
Irani mori një hap tjetër të rëndësishëm në shkurt, kur vendosi të mos lejonte më disa vëzhgime të kryera nga Kombet e Bashkuara në centrale bërthamore iraniane.
Në disa prej tyre – të deklaruar prej vitesh si të mbyllur – u gjetën gjurmë uraniumi.
Kjo i ftohu akoma më shumë ujërat midis dy shteteve për marrëveshjen bërthamore. Palët u dukën se u tërhoqën përfundimisht dhe nuk do të kishte kthim pas.
Gjithsesi, palët e treta si Rusia apo BE-ja, ndërmjetësuan bisedime në vazhdim.
Tashmë pritet takimi i të martës në Vienë. Ky i fundit, mund të jetë përcaktues për rikthimin e dy shteteve në marrëveshje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Butikofer: BE-ja mos të lejojë që Serbia të pengojë anëtarësimin e Kosovës në KiE
-
SHBA thotë se njësitë e ushtrisë izraelite kanë shkelur të drejtat e njeriut
-
Katër pjesëtarë të forcave të rendit vriten në Karolinën e Veriut
-
BE thotë se nevojiten më shumë burime për të luftuar dezinformimin rus – Ballkani i prekur
Lajmet kryesore
-
BE thotë se nevojiten më shumë burime për të luftuar dezinformimin rus – Ballkani i prekur
-
Shifra rekord për numrin e fluturimeve dhe të pasagjerëve, tregon INSTAT
-
Firmat kineze kalojnë ‘nëntokë’ në pagesat e Rusisë ndërsa bankat tërhiqen
-
Regjistrimi i serbëve në Veri do të shfaqte manipulimet me listat zgjedhore – “hezitimi, rezultat i institucioneve të Kosovës”