![](https://albanianpost.com/wp-content/uploads/2023/11/401105069_1285103778924880_1905948977847246912_n.jpg)
Partia Socialdemokrate, këtë të mërkurë, po proteston ndaj vizitës së kryetares së Dhomave të Specializuara të Kosovës në Hagë, Ekaterina Trendafilova.
Protesta ka nisur rreth orës 14:00 para Hotel Sirius, ndërkohë që gjyqtarja bullgare do të mbajë një takim me përfaqësues së shoqërisë civile në Prishtinë.
Nol Nushi, nga PSD-ja ka treguar arsyen e protestës.
“Çfarë transparence ka kjo gjykatë që shumicën e seancave i ka të mbyllura, nuk tregojnë se ku i marrin provat e çfarë prova kanë. Kjo gjykatë është etnike dhe e padrejtë, e për këtë ne sot protestojmë”, tha Nushi.
Ndërsa, përpara objektit ku Trendafilova do të mbaj takimin, një numër konsiderueshëm i protestuesve po mbajnë në duar pankarta me mbishkrime “jeni non-grata”, “UÇK-ja është përpjekja për liri” e “UÇK-ja nuk mund të gjykohet”.
![](https://albanianpost.com/wp-content/uploads/2023/11/401230483_724682253016306_5525099133774879104_n-1024x768.jpg)
Ndërsa Hoteli ku pritet të mbajë takim gjyqtarja Trendafilova është “barrikaduar” me zyrtarë të shumtë policorë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com