Shakira tregon sesi fëmijët e saj u përballën me “situatën mediatike” pas ndarjes nga Gerard Pique
Ndarja e një çifti mund të jetë shumë e vështirë – veçanërisht kur përfshihen media dhe fëmijët.
Kësisoj, këngëtarja kolumbiane, Shakira së fundmi ka treguar si ndarja e saj nga futbollisti profesionist Gerard Pique ka ndikuar tek dy djemtë e ish-çiftit, Milani nëntë vjeç dhe Sasha shtatë sosh.
“Ata po e përballojnë mirë. Ata e duan babain e tyre. Në Barcelonë, ata mbanin peshën e të qenit ‘fëmijët e figurave publike’ dhe situata mediatike ishte e vështirë për ta”, tha ajo për kopertinën e fundit të Billboard, transmeton AlbanianPost.
“Ne kishim paparacët në pragun tonë çdo ditë. Këtu, ata janë fëmijë normalë që shijojnë normalitetin, gjë që duhet të jetë shkolla: një strehë e sigurt ku ata mund të jenë vetvetja. Dhe për shkak se ata janë të shoqërueshëm dhe mjaft të hapur, ishte e lehtë për ta të përshtateshin”, shtoi ajo tutje.
Ish çifti i famshëm, njoftoi ndarjen e tyre në qershor të vitit 2022 përmes një deklarate të përbashkët.
“Me keqardhje konfirmojmë se po ndahemi. Për mirëqenien e fëmijëve tanë, të cilët janë prioriteti ynë më i lartë, kërkojmë që të respektoni privatësinë tonë”, u tha në deklaratë.
Ylli i hitit “Hips don’t lie” dhe futbollisti me nam, ishin së bashku për 11 vjet.
Gjatë vitit të kaluar, shumë thashetheme rreth fundit të lidhjes së çiftit kanë bërë xhiron e rrjetit duke nisur nga akuzat për mashtrime.
Shakira që atëherë e ka kthyer dhimbjen në muzikë, duke vënë në shënjestër Pique-n në bashkëpunimin e saj me Bizarrap në këngën “BZRP Music Sessions #53”, i cili u ngjit në vendin e parë në tabelën ‘Hot Latin Songs’ dhe përfundimisht theu 14 Rekorde Botërore Guinness.
“Hera e fundit që publikova një album ishte gjashtë vjet më parë. Tani mund të lëshoj muzikë në një klip më të shpejtë, megjithëse ndonjëherë mendoj se të qenit nënë beqare dhe ritmi i një ylli të popit nuk janë të përputhshme”, tha tutje Shakira.
“Më duhet të vendos fëmijët e mi në shtrat, të shkoj në studio regjistrimi; gjithçka është përpjetë. Kur nuk ke një burrë që mund të qëndrojë në shtëpi me fëmijët, është mashtrim i vazhdueshëm sepse më pëlqen të jem një nënë siç jam dhe kam nevojë të jem aty çdo moment me fëmijët e mi: t’i çoj në shkollë, të ha mëngjes me ta. Por, përveç kësaj, unë duhet të fitoj para”, përfundoi artistja.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Enrique Iglesias zbulon se çfarë mendon realisht Anna Kournikova për të kur ai puth fansat në koncert
-
Kris Jenner zbulon se ishte diagnostikuar me tumor vitin e kaluar
-
Një burrë arrestohet në shtëpinë e Drake, pas të shtënave nga makina
-
Cardi B sqaron pse ajo iu referua stilistit të veshjes së saj në Met Gala si “aziatik” në vend të emrit të tij
Lajmet kryesore
-
Krejt çka ndodhi në zgjedhjet në Maqedoni të Veriut, fituesit dhe humbësit
-
Asnjë subjekt i posaçëm i SPAK nuk ka përfituar nga Amnistia, garanton Bardhi
-
Cameron thotë se Britania e Madhe nuk do të ndjekë SHBA-të në ndalimin e shitjeve të armëve në Izrael
-
Kosova nën sanksionet e BE-së shënon Ditën e Evropës pa progres drejt integrimeve