Kryeministri në detyrë i Malit të Zi, Dritan Abazoviç, ka njoftuar se Qeveria malazeze i ka ofruar ndihmë Sllovenisë pas reshjeve dhe vërshimeve që ndodhën atje, të cilat shkaktuan dëme të mëdha.
“Ne jemi në kontakt me kolegët e kabinetit të kryeministrit të Sllovenisë [Robert Golob] dhe jemi në dispozicion për të gjithë ndihmën e disponueshme për miqtë tanë”, ka shkruar Abazoviç në Twitter.
Po ashtu, kreu i ekzekutivit malazez i ka shprehur ngushëllime familjarëve të viktimave, që humbën jetën si pasojë e këtyre fatkeqësive natyrore.
🇲🇪🤝🏻🇸🇮 @VladaCG ponudila je pomoć Sloveniji koja je pogođena velikim elementarnim nepogodama. U kontaktu smo sa kolegema iz Kabineta premijera Slovenije i stojimo na raspolaganju za svu raspoloživu pomoć našim prijateljima. Upućujemo izraze saučešća porodicama stradalih. pic.twitter.com/CHbhRfNaDC
— Dr Dritan Abazovic (@DritanAbazovic) August 4, 2023
Shirat e paprecedentë që ranë në Slloveni kanë shkaktuar përmbytje të tmerrshme, ndërsa aktualisht situata është e vështirë në shumë qytete të këtij vendi.
Përmbytjet në Slloveni po konsiderohen si më të këqijat dhe më shkatërruese në historinë e vendit.
Uji ka depërtuar nëpër shtëpi, ka rrugë të prishura, madje dhe ura.
Zjarrfikësit, pjesëtarët e Mbrojtjes Civile sllovene, ushtarë, policë, pra të gjitha institucionet sllovene po tentojnë që të zhbllokojnë rrugën e personave që si pasojë e reshjeve të mëdha të shiut kanë mbetur të bllokuar, në mesin e tyre ka gra shtatzëna, foshnja, fëmijë e të moshuar.
Si pasojë e këtyre reshjeve, fatkeqësisht kanë humbur jetë tre persona deri më tani, viktima e parë ishte një grua e moshuar në qytetin e Kamnikut, e cila tentoi të largohej nga shtëpia pasi uji u fut brenda, transmeton rrjeti ballkanik i lajmeve “N1”.
Mijëra njerëz u desh që të evakuoheshin në të gjithë vendin, një pjesë e madhe e vendit ka mbetur pa energji elektrike, ujë dhe internet.
Reshjet më të mëdha ishte në veri, veriperëndim dhe në Slloveninë qendrore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama: Nuk kam ardhur të takohem me shërbëtorët e dikurshëm të Greqisë, por me të zotët e barabartë të kësaj shtëpie
-
Rama për Kathimerini: Asnjë mesazh për rastin Beleri, vizita në Athinë s’është ndërhyrje në zgjedhjet evropiane
-
Ndërsa Izraeli shton sulmet, 300 mijë palestinezë largohen nga Rafah
-
Jabllanoviç flet për Albanian Post rreth tentim vrasjes së vëllait të tij në Veri: Marko është i prirur të gënjejë shumë