![](https://albanianpost.com/wp-content/uploads/2023/08/st.jpeg)
Shirat e paprecedentë që kanë rënë në Slloveni kanë shkaktuar përmbytje të tmerrshme, ndërsa aktualisht situata është e vështirë në shumë qytete të këtij vendi.
Përmbytjet në Slloveni po konsiderohen si më të këqijat dhe më shkatërruese në historinë e vendit.
Uji ka depërtuar nëpër shtëpi, ka rrugë të prishura, madje dhe ura.
Zjarrfikësit, pjesëtarët e Mbrojtjes Civile sllovene, ushtarë, policë, pra të gjitha institucionet sllovene po tentojnë që të zhbllokojnë rrugën e personave që si pasojë e reshjeve të mëdha të shiut kanë mbetur të bllokuar, në mesin e tyre ka gra shtatzëna, foshnja, fëmijë e të moshuar.
Si pasojë e këtyre reshjeve, fatkeqësisht kanë humbur jetë tre persona deri më tani, viktima e parë ishte një grua e moshuar në qytetin e Kamnikut, e cila tentoi të largohej nga shtëpia pasi uji u fut brenda, transmeton rrjeti ballkanik i lajmeve “N1”.
Mijëra njerëz u desh që të evakuoheshin në të gjithë vendin, një pjesë e madhe e vendit ka mbetur pa energji elektrike, ujë dhe internet.
Torrential rain and flash floods ravage Slovenia, killing at least 3 people and forcing evacuations
Follow Press TV on Telegram: https://t.co/RuQCIFWYoj pic.twitter.com/Ouj5A4XPmQ
— PressTV Extra (@PresstvExtra) August 4, 2023
Reshjet më të mëdha ishte në veri, veriperëndim dhe në Slloveninë qendrore.
Rreziku nuk ka kaluar, pasi që në disa pjesë të Sllovenisë ende është duke rënë shi i dendur.
Kryeministri i Sllovenisë, Robert Golob, në një konferencë për media në orët e mbrëmjes ka thënë se momentalisht, siguria e qytetarëve slloven është prioritet.
“Prandaj ju lus që t’i merrni seriozisht të gjitha paralajmërimet e autoriteteve, mos e nënvlerësoni natyrën dhe mos e ekspozoni veten ndaj rrezikut pa qenë nevoja”.
Ndërsa, ai falënderoi të gjithë autoritetet sllovene që janë në terren duke i ndihmuar qytetarëve, duke shtuar se “ne po punojmë për t’u ndihmuar njerëzve sa më shpejt të jetë e mundur”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com