Republika Srpska në BeH diskuton vendosjen e vetos për heqjen e regjimit të vizave me Kosovën
Këtë të marte deputetët e Asamblesë Kombëtare të Republika Srpska-s në Bosnje e Hercegovinë, do të diskutojnë për propozimin e Veto-s së anëtares së Presidencës së Bosnje e Hercegovinës, Zheljka Cvijanoviç, si një mundësi kushtetuese për të çimentuar Marrëveshjen për Lëvizje të Lirë në kuadër të Procesit të Berlinit, ujdi nga e cila përfitojnë qytetarët nga Kosova dhe Bosnja e Hercegovina.
Inicimi i vetos kundër heqjes së regjimit të vizave, i cili prej vitesh po rëndon banorët nga Kosova dhe Bosnja e Hercegovina, sipas Cvijanoviç, ka të bëjë me përshkallëzimin e krizës në Veri të Kosovës dhe pretendimit të saj se “regjimi i kryeministrit të Kosovës, Albin Kurti, nuk meriton përfitime”.
Iniciative e Cvijanoviqit u mirëprit nga shefi i partisë së saj dhe presidenti i Republikës Srpska, Milorad Dodik, i cili theksoi duke theksuar se ajo është “përgjegjëse për mbrojtjen e pozicioneve të RS-së dhe se Asambleja Kombëtare do ta mbështesë atë me një shumicë prej dy të tretash”.
Kushtetuta e Bosnje e Hercegovinës përcakton se një anëtar i Presidencës së Bosnje e Hercegovinës mund ta shpallë një vendim të Presidencës, me të cilin nuk pajtohet, shkatërrues për interesin jetik të subjektit për territorin nga i cili është zgjedhur.
Në këtë rast, Kushtetuta parashikon që Asambleja Kombëtare e Republikës Srpska të iniciojë veton dhe nëse merr mbështetjen e deputetëve, konkluzionet e Presidencës nuk do të kenë efekt.
Në mënyrë që iniciativa e vetos e Zheljka Cvijanoviqit të “jetësohet”, duhet të mbështetet nga dy të tretat e përfaqësuesve të Asamblesë Kombëtare të RS-së, pra 56 nga gjithsej 83.
Ministri i Punëve të Jashtme i Bosnjë e Hercegovinës, Elmedin Konakoviç, në një përgjigje për Radio Evropën e Lirë tha se në rast se Asambleja Kombëtare e Republikës Srpska e mbështet veton, “marrëveshjet e Procesit të Berlinit do të bien”.
Njëra nga tri marrëveshjet për lëvizjen e lirë në Ballkanin Perëndimor, të cilat u nënshkruan në nëntor të vitit 2022 si pjesë e procesit të Berlinit, i referohet lirisë së lëvizjes vetëm me letërnjoftime në Ballkanin Perëndimor. Ndërsa dy marrëveshjet tjera janë për njohjen e diplomave të arsimit të lartë dhe për njohjen e kualifikimeve profesionale të doktorëve të mjekësisë, doktorëve të stomatologjisë dhe arkitektëve.
Megjithatë, politikanët nga Republika Srpska refuzojnë ratifikimin, edhe pse ish-kryetari i Këshillit të ministrave të Bosnje e Hercegovinës, Zoran Tegeltija, i cili është anëtar i partisë së Dodikut, ishte një prej nënshkruesve të atij dokumenti në Berlin, vitin e kaluar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Konjufca: Kemi përjetuar gjenocid nga shteti serb, bëjmë thirrje për drejtësi
-
Kurti: Opozita s’mund t’i shtyjë pafundësisht zgjedhjet – LVV-ja do ta fitojë kampionatin edhe kupën
-
“Promovohet pavarësia e Kosovës”, Jovanoviç për festivalin “Mirdita, dobar dan”
-
Kurti: Disa kryetarë edhe na kritikojnë, edhe i paraqesin si suksese komunale investimet e Qeverisë
Lajmet kryesore
-
Basha përjashton çdo mundësi bashkëpunimi me Berishën
-
Hysaj kërkon ndjesë pas ‘gafës’ me Italinë, kërkon mirëkuptim dhe përqendrim për ndeshjet e ardhshme
-
Rezistenca ndaj një administrate të re Trump ka filluar tashmë
-
Kurti: Opozita s’mund t’i shtyjë pafundësisht zgjedhjet – LVV-ja do ta fitojë kampionatin edhe kupën