Telat me gjemba vendosur rreth objektit komunal në Zveçan, si edhe në Leposaviq e Zubin Potok, janë larguar nga pjesëtarët e KFOR-it.
Nga disa video të publikuara nga Zveçani shihen ushtarët e KFOR-it duke i larguar, por nuk bëhet e qartë nëse po hiqen përhershëm, apo vetëm për t’u ripozicionuar në një vend tjetër.
Faqja që ka publikuar videon në Twitter, The Balkan Independent, ka në mbishkrim “KFOR-i duke hequr rrethojat me gjemba në Zveçan”, megjithatë Policia e Kosovës nuk ka konfirmuar për Albanian Post asgjë.
“Ju lutem, kontaktoni KFOR-in për këtë gjë, ne nuk mund të themi asgjë”, ka thënë për Albanian Post, zëdhënësi i Policisë në Rajonin e Mitrovicës së Veriut, Veton Elshani.
Pa përgjigje, tani për tani, janë edhe nga zyra për medie e KFOR-it në Kosovë.
“Nuk e kemi informatën nga terreni akoma”, ka thënë për Albanian Post zyra për medie e KFOR-it.
#BreakingNews #Serbia #Kosovo Video footage of KFOR removing barbed wire in Zvečan, Kosovo*. pic.twitter.com/H7DMB2tQAi
— The Balkan Independent (@BalkanInd) June 5, 2023
Forcat paqeruajtëse të udhëhequra nga NATO-ja në Kosovë, shtuan masat e sigurisë para ndërtesave të komunave në Zveçan, Zubin Potok e Leposaviq, në veri të Kosovës, më 30 maj, një ditë pasi që në komunën e Zveçanit, protestuesit serbë lënduan 30 ushtarë të KFOR-it, tre prej të cilëve ishin plagosur me armë zjarri.
Tensionet në veri u rritën pasi të premten e kaluar kryetarët shqiptarë që dolën nga zgjedhjet e 23 prillit, të cilat u bojkotuan nga serbët, hynë në ndërtesat komunale për të marrë detyrën.
Serbia e vuri ushtrinë në gjendjen më të lartë të gatishmërisë dhe dërgoi më shumë trupa në kufirin me Kosovën.
Një ditë pas kësaj ngjarje, NATO-ja vendosi të dërgojë 700 trupa shtesë në Kosovë për të përforcuar praninë e saj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rritje ekonomike me 3.8% gjatë vitit 2024, sipas Bankës së Shqipërisë
-
Ose rregullohet kriza e strehimit në Evropë, ose rrezikohet nxitja e ekstremit të djathtë
-
Kurti e Osmani përkujtojnë ‘Luanin e UÇK-së’ në 27-vjetorin e rënies
-
Shkeljet e kompanisë “Kosmonte Foods”, të cilës ia dha Qeveria Kurti 25 hektarë për 99 vjet