![](https://albanianpost.com/wp-content/uploads/2023/04/Pa-titull.png)
Ministri i Punëve të Jashtme të Suedisë, Tobias Billstrom, në një konferencë për media së bashku me presidentin e Serbisë, Aleksandër Vuçiç, ka kërkuar që Serbia të përmbushë të gjitha obligimet që burojnë nga Marrëveshja e dakordësuar në mes të Kosovës dhe Serbisë, fillimisht më 27 shkurt e më pastaj më 18 mars në Ohër të Maqedonisë së Veriut.
Kryediplomati suedez përveç se ka uruar Vuçiç’in për arritjen e “marrëveshjes historike me Kosovën” ka kërkuar nga Beogradi të harmonizojë politikën e saj të jashtme me Bashkimin Evropian kur fjala bie për invazionin rus në Ukrainë.
“Pushtimi rus i Ukrainës ndryshoi rrënjësisht sigurinë e Evropës. Ne presim që partnerët tanë të koordinohen me ne dhe të marrin përgjegjësi strategjike për sigurinë e përbashkët”, ka thënë Billstrom.
Billstom me tej ka bërë të ditur se Presidenca suedeze e BE-së e mban Ballkanin Perëndimor lart në agjendë dhe se shtetet e rajonit janë partnerë thelbësorë të BE-së.
Në anën tjetër presidenti i Serbisë, Aleksandër Vuçiç, në po këtë konferencë, ka thënë se Serbia do të përmbushë pjesën e saj të obligimeve nga dialogu vetëm pasi Kosova të formojë Asociacionin e Komunave me Shumicë Serbe.
Vuçiç tha se kreut të diplomacisë suedeze i ka ripërsëritur qëndrimet e Serbisë dhe atë që është e gatshme të përmbushë, si dhe se nuk do ta mbështesë anëtarësimin e Kosovës në Kombet e Bashkuara.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Serwer vlerëson se bisedimet teknike mes Kosovës dhe Serbisë kanë dhënë më shumë rezultate sesa dialogu në nivel politik
-
Gërvalla: KiE të marrë sa më shpejtë një vendim për Kosovën
-
Kurti uron Berset: Kosova thellësisht e përkushtuar për vlerat themelore të Këshillit të Evropës
-
Bajrami thotë se raporti që iu dërgua BE-së për Banjën është “faktik” dhe “bindës”