Tesla është urdhëruar të paguajë thuajse 3.2 milionë dollarë për një ish-punëtor me ngjyrë pasi ai fitoi një proces gjyqësor për ngacmim racor.
Owen Diaz, një operator ashensori nga viti 2015 në vitin 2016 në fabrikën e vendosur në Fremont, iu nënshtrua një mjedisi pune armiqësor racor, zbuloi një trupë gjykuese federale.
Sidoqoftë, pagesa është ulur me 98 për qind nga 137 milionë dollarë që iu dha fillimisht në vitin 2021
Kjo pasi një gjykatës vendosi vitin e kaluar se shuma fillestare ishte e tepërt.
Të hënën, Diaz iu dha 3 milionë dollarë dëmshpërblim dhe 175 mijë dollarë dëmshpërblim për shqetësim emocional.
“Trupa gjykuese bëri më të mirën që mundi me informacionin që kishte. Unë e respektoj vendimin”, ka thënë shefi Elon Musk.
Diaz pretendoi se punëtorët me ngjyrë përballeshin rregullisht me sharje raciste në dyshemenë e fabrikës dhe me mbishkrime raciste në banjë.
Në padi thuhej gjithashtu se punonjësit do t’i referoheshin zonave ku punonin personeli me ngjyrë ose afrikano-amerikan me emra historikë racistë.
Ai pretendoi se një punëtor dëgjonte sharje racore “shumë shpesh, 50-100 herë në ditë”.
Në vitin 2021, një gjykatë federale në San Francisko zbuloi se Tesla nuk ndërmori hapa të arsyeshëm për të trajtuar abuzimin, pavarësisht ankesave ndaj mbikëqyrësve.
Juria i dha Diaz 137 milionë dollarë dëmshpërblim. Në atë kohë, Tesla e kundërshtoi vendimin, por e pranoi se nuk ishte “e përsosur”.
Në prill të vitit 2022, një gjykatës federal i SHBA-ve e uli çmimin e Diaz në 15 milionë dollarë dhe se kompensimi i vendosur nga juristët ishte “jashtëzakonisht i lartë”.
Bernard Alexander, një avokat i Diaz, ka thënë javën e kaluar se “pikëpamja e Diaz për botën ka ndryshuar përgjithmonë”.
Alexander i kishte bërë thirrje trupës gjykuese që t’i jepnin klientit të tij gati 160 milionë dollarë dëmshpërblim.
Megjithatë, avokati i Tesla-s, argumentoi se avokatët e Diaz nuk kishin treguar se ndonjë dëm serioz dhe afatgjatë ishte shkaktuar nga Tesla.
Marrë nga “BBC”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kevin Spacey rrëzon vendimin e Mbretërisë së Bashkuar në rastin e sulmeve seksuale për gabimin e avokatëve
-
Rama mirëpret vendimin e KE-së për planin e rritjes së Ballkanit, e quan shtysë të re për zgjerimin
-
Stano: Për heqjen ose jo të masave ndëshkuese ndaj Kosovës, do vendoset pasi të përfundojë raporti i Këshillit të BE-së
-
Kalvari i vuajtjeve të 25-vjeçarit në Miami, mes torturave në burg dhe talljeve të efektivëve
Lajmet kryesore
-
Rama mirëpret vendimin e KE-së për planin e rritjes së Ballkanit, e quan shtysë të re për zgjerimin
-
Me tensione të herëpashershme, mbyllet protesta e opozitës para Bashkisë Tiranë
-
Betimi i Putinit – Oligarkë, patriarkë dhe nipër sekretë
-
Policia gjen kamera ilegale në kufi me Serbinë, dyshohet se përdoreshin nga kontrabanduesit