Media sociale, Facebook, ka njoftuar se do t’ju mundësojë krijuesve të përmbajtjes që të fitojnë të ardhura prej videove të shkurtra përmes reklamave.
Agjencia e lajmeve, Reuters, tregon se njoftimi i kompanisë është bërë i ditur në blog-un e saj ku janë detajuar planet në ndihmë të krijuesve për të gjeneruar më shumë të ardhura.
Sipas Facebook-ut, krijuesit do të munden të fitojnë të ardhura nga videot e shkurtra një minutëshe ndryshe nga ato tre minutëshe që kanë qenë më parë.
Pretendohet se lëvizja e Facebook-ut ka ardhur pas përpjekjeve të rivalëve për të tërhequr vëmendjen e krijuesve të përmbajtjeve video.
Platforma Snapchat ka kryer pagesa me 1 milion dollarë në ditë për krijuesit, të cilët realizojnë video të shkurtra për funksionin e saj Snapchat Spotlight.
Ndërkohë, Twitter-i ka hedhur në treg tiparin “Super Follow” përmes së cilit përdoruesit angazhojnë ndjekësit për përmbajtjet ekskluzive.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
Bardhi dhe Gjekmarkaj braktisin mbledhjen e Konferencës së Kryetarëve
-
Blinken ka ‘shpresë’ se Hamasi do të pranojë marrëveshjen ‘jashtëzakonisht bujare’ të Gazës
-
Kërkohet vazhdimi i masës së paraburgimit ndaj Jakup Krasniqit