Vuçiç: Marrëveshja që arritëm është akoma më e mirë se ajo që ishte para dy ditësh në tavolinë
Të hënën Albin Kurti dhe Aleksandër Vuçiç kishin një propozim për marrëveshje në tavolinën e bisedimeve në Bruksel.
Propozimi thoshte se Kosova mund të vazhdojë me masën e qortimit për targat ilegale, por të mos impelemtojë masën e gjobave, kurse Serbia nuk duhet të lëshojë targa të reja me inicialet e qyteteve të Kosovës.
Kosova nuk e pranoi.
Pas dy ditësh, u arrit marrëveshje, por Kosova hoqi dorë edhe nga masa e qortimit, derisa pjesa tjetër mbeti e njëjtë, prandaj presidenti serb, Aleksandër Vuçiç, deklaroi këtë të enjte para mediave në Serbi se “dy ditë më parë Prishtina kishte marrëveshje më të mirë në tavolinë sesa ajo që u arrit”.
Për vetë Vuçiç-in, më me rëndësi se gjithçka tjetër brenda marrëveshjes, është fakti – siç tha ai – “se marrëveshja parasheh përmbushjen e marrëveshjeve të mëparshme”, çka nënkupton edhe Asociacionin e Komunave me Shumicë Serbe.
Megjithëse në akordin e arritur mes zëvendës-kryeministrit Besnik Bislimi dhe homologut të tij serb në dialog, Petar Petkoviç, nuk thuhet saktësisht se “palët pajtohen për Asociacionin e Komunave me Shumicë Serbe”, por thuhet se “palët e kuptojnë se duhet të zbatohen të gjitha marrëveshjet e kaluara të arritura në Dialog”, Vuçiç pohon se kaq mjafton.
Ai u tha serbëve se “një situatë e ndërlikuar na pret”, por që “përfaqësuesit evropianë dhe SHBA-të janë treguar shumë racionalë në zgjidhjen e problemeve me targat”.
“Është plotësuar një kusht, që të mos ketë gjoba, të mos ketë konfiskim të veturave dhe targave, ju keni një kusht tjetër – formimin e Asociacionit. Kur të formohet Asociacioni do të kalojmë në diçka tjetër”, deklaroi presidenti serb.
Pas rreth gjashtë orësh bisedime në Bruksel, Kosova u pajtua që të heqë dorë nga masa e gjobës për targat ilegale dhe kështu është nënshkruar marrëveshje për de-eskalim në mes të Kosovës dhe Serbisë.
Paraprakisht, edhe Serbia ishte pajtuar që të mos lëshojë targa të reja me inicialet “KM” e të ngjashme.
“Kemi marrëveshje”, shkroi krye-diplomati evropian, Josep Borrell në Twitter, kur njoftoi arritjen e pajtimit.
“Shumë i kënaqur të njoftoi se krye-negociatorët e Kosovës dhe Serbisë, nën ndërmjetësimin e BE-së kanë arritur marrëveshje për masat që shmangin eskalimin e mëtejshëm dhe do të koncentrohen krejtësisht në propozimin për normalizim raportesh”, thuhet në njoftim.
Qeveria e Kosovës kishte filluar zbatimin e shkallëzuar të vendimit për targat më 1 nëntor – që përfshinin qortime, gjoba, tabela provuese dhe më në fund konfiskime – duke shkaktuar protesta dhe dorëheqje masive të policëve, gjyqtarëve, prokurorëve dhe zyrtarëve serbë në Kosovë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Bajrami, Qeverisë: Ia keni humbur Kosovës 4 vjet – 128 milionë euro më pak investime kapitale
-
Ngritët aktakuzë ndaj dy rusëve që u arrestuan në Jarinjë
-
Kurti, ambasadorëve të QUINT-it: Normalizimi i marrëdhënieve me Serbinë s’duhet të përzihet me anëtarësimin e Kosovës në KiE
-
Një person sulmoi Policinë e Kosovës dhe KFOR-in në Leposaviq, të dyshuarit iu gjet një xhaketë ushtarake me emblemë serbe
Lajmet kryesore
-
Veliaj pretendon sërish se ‘takimin me SPAK e ka kërkuar vetë’
-
Ngjarja tragjike në Shkodër, gjendet trupi i fëmijës së dytë
-
Universiteti Columbia në New York anulon ceremoninë kryesore të diplomimit, për shkak të protestave në Gaza
-
Kurti, ambasadorëve të QUINT-it: Normalizimi i marrëdhënieve me Serbinë s’duhet të përzihet me anëtarësimin e Kosovës në KiE