Një mision jashtëzakonisht i suksesshëm ka rezultuar si i kompanisë amerikane që operon në fushën e udhëtimeve hapësinore, SpaceX, pasi me misionin e tyre të radhës në bashkëpunim me NASA-n, kanë dërguar në hapësirë të parën indigjene amerikane në histori.
Nicole Mann, një kolonelë e marinës amerikane, 45-vjeçare, do të përjetësohet tashmë në histori për misionin e madh që ka ndërmarrë.
Ajo së bashku me tre astronautë të tjerë, po udhëtojnë drejt Stacionit Hapësinor Ndërkombëtar, ku do të mbërrijnë përfundimisht rreth mbrëmjes së 6 tetorit, pas 29 orësh udhëtim dhe orbitim për pozicionim, në bordin e anijes kozmike të SpaceX.
“Shpresoj të frymëzoj çdo indigjen të Amerikës, çdo fëmijë, për të ndjekur dhe realizuar ëndrrat e tyre pa u penguar nga barrierat që mund t’i vendosen përgjatë këtij rrugëtimi”.
Do të ishin këto fjalët e Mann përpara nisjes.
Ajo është një ushtarake karriere tepër e suksesshme, e cila ka shërbyer edhe në misionet amerikane në Irak dhe Afganistan, për të cilat është dekoruar me gjashtë medalje për shërbimet e dhëna ndaj vendit.
Tribuja në të cilën Mann bën pjesë, është ajo e Wailacki, në grupimin e tribuve të Round Valley.
Diksriminimi racor për këtë pjesë të shoqërisë ka qenë një problem i kahershëm për vendin, ku sipas të dhënave në vitin 2017, vetëm 27% e indigjenëve amerikanë kanë pasur mundësi të arsimohen.
Në këtë mënyrë, Mann bëhet një shembull frymëzimi për të gjithë komunitetin e indigjenëve amerikanë, duke iu bashkuar në mënyrë të barabartë kolegëve të saj astronautë, në misionin e rëndësishëm në hapësirë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit