Latifi për “kornizën e re” për dialog: Mos i shndërroni këto propozime në instrument të luftës partiake, të mendojmë për shtetin
Korniza e re për marrëveshjen finale mes Kosovës e Serbisë e publikuar nga Albanian Post, ka ngjallur reagime të shumta në Kosovë.
Profesori i filozofisë dhe komentatori politik, Blerim Latifi, ka kërkuar nga politikanët, partitë dhe opinionistët që mos të nguten për të dhënë përfundime rreth këtyre propozimeve, “pa i zbërthyer mirë e mirë, me gjakftohtësi e racionalitet”.
“Njerëzit racionalë nxjerrin përfundime pas hulumtimit të gjithanshëm mbi një çështje. Budallenjtë nxjerrin përfundime pa menduar dy herë. Është koha e fundit të tregoni cilës anë i përkisni”, ka shkruar profesori Latifi në Facebook.
Ai ka porositur që propozime të mos shndërrohen në instrument të luftës partiake për t’i kënaqur militantët e papunë dhe për të përfituar ndonjë votues për partinë.
“Është koha e fundit të mendojmë ma shumë për fatin e shtetit, se për fatet e partive. Sepse, tek e fundit, nëse fati i shtetit shkon keq, askujt nuk do t’i hyjnë në punët fitoret e partive. E as postet që burojnë prej tyre”.
Sipas kornizës të cilën e ka publikuar Albanian Post, në vitin 2023 duhet të nënshkruhet marrëveshja e dytë për normalizim të marrëdhënieve, pas asaj të vitit 2013, me të cilën Serbia faktikisht e pranon realitetin e Kosovës shtet të pavarur, por nuk e njeh formalisht.
Në një fazë të mëvonshme, hipotetikisht pas 10 vitesh, atëherë kur BE-ja është e gatshme të zgjerohet dhe ta përfshijë Ballkanin perëndimor, arrihet marrëveshja për njohje të ndërsjellë, si parakusht i të dy shteteve për anëtarësim në BE.
Ky është plani i paraqitur në kornizën e re për marrëveshje në mes të Kosovës e Serbisë, i përpiluar pas angazhimit të këshilltarëve të presidentit Emmanuel Macron dhe kancelarit Olaf Scholz.
Me marrëveshjen e vitit të ardhshëm (nëse pranohet propozimi) Kosovën e pranojnë edhe pesë shtetet që akoma nuk e kanë njohur të Bashkimit Evropian, kurse Serbia do të përfitojë një ndihmë masive financiare, asistencë ekonomike dhe do njihet si fuqia e rajonit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjermania kërkon që Kosova të dërgojë “sinjale të qarta” për ta siguruar mbështetjen në Këshillin e Evropës
-
Kitara e zotëruar më parë nga Prince mund të kapë 600 mijë dollarë në ankand
-
SHBA-të ndaluan dërgesën e bombave në Izrael, shqetësime për përdorimin e mundshëm në Rafah
-
Maqedonia e Veriut voton, në zgjedhjet më të rëndësishme të dekadës