Tyson Fury ka njoftuar rikthimin në boks dhe ka emëruar, Dereck Chisora, si kundërshtarin e tij.
Britaniku mbrojti titullin botëror të peshave të rënda WBC në prill duke e mposhtur Dillian Whyte në stadiumin “Wembley”.
Pas ndeshjes ai tha se ajo do të ishte e fundit në karrierën e tij profesioniste. Por, mesa duket nuk do të jetë kështu.
Breaking news trainer selected for comeback fight with @DerekWarChisora @isaaclowe6 🥊 pic.twitter.com/hjNRv3k5J8
— TYSON FURY (@Tyson_Fury) August 9, 2022
“Gypsy King” ka njoftuar se do të ketë një përballje trilogji me Chisora.
33-vjeçari konfirmoi rikthimin e tij në sport dhe emëroi Isaac Lowe si trajnerin e tij të ri për luftën kundër Chisora.
“Kam vendosur të rikthehem në boks sepse mund të jem kampioni i parë i peshave të rënda në histori që do të ketë dy trilogji, një me Deontay Wilder dhe një të dytë me Derek Chisora”, tha Fury në videon e shpërndarë në internet.
“Gjithmonë kam thënë se do të luftoj Derek Chisora-n në fund të karrierës sime, dhe këtu ne po thyejmë të gjitha rekordet përsëri”, vijoi ai.
Fury mburret me dy fitore ndaj Chisora-s, pasi e mundi atë në 2011 dhe 2014. Ai po pret një meç të tretë këtë vit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com