Ndërkohë që ekipi i Organizatës Botërore të Shëndetësisë (OBSH) po gërmon për gjetjen e origjinës së virusit, shkencëtarë të tjerë kanë zbuluar të dhëna për evoluimin e tij të natyrshëm te njerëzit.
Të paktën, katër studime të kohëve të fundit kanë identifikuar coronavirus-in të lidhur ngushtë me llojin pandemik te lakuriqët e natës në Azinë Juglindore dhe Japoni.
Një studim tjetër sugjeron që një ndryshim, në një aminoacid të vetëm te një përbërës kryesor i virusit, mundësoi ose ndihmoi që ai të bëhet infektues te njerëzit.
Aminoacidet janë përbërje organike që formojnë proteina.
Zyrtarët e shëndetit publik thonë se është e rëndësishme të identifikohet origjina e pandemisë për të ndërmarrë hapa, për të shmangur shpërthimet në të ardhmen, megjithëse mund të duhen vite për ta bërë këtë.
Këto studime të fundit shtojnë provat se virusi, i quajtur SARS-CoV-2, ka të ngjarë të ketë origjinën te lakuriqët e natës dhe, më pas, ka evoluar natyrshëm për të infektuar njerëzit, ndoshta përmes një kafshe ndërmjetëse.
Disa zyrtarë dhe shkencëtarë amerikanë kanë thënë që mundësia se virusi u përhap si rezultat i një aksidenti laboratorik, nuk mund të përjashtohet.
Instituti i Virologjisë Wuhan ka një laborator të sigurisë së lartë që kryen kërkime mbi coronavirus-in e lakuriqëve.
Ajo mohon të ketë ruajtur ose bërë kërkime mbi SARS-CoV-2, para se të fillonte pandemia dhe thotë se, “ruan standardet më të larta të sigurisë dhe se asnjë nga stafi i tij nuk ka rezultuar pozitiv nga virusi”.
Por disa shkencëtarë dhe zyrtarë amerikanë duan që instituti të ndajë të dhënat e tij të sigurisë dhe të dhënat e para për të gjitha kërkimet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ekskluzive: Franca kërkon shtyrje të vendimit për anëtarësim të Kosovës në KiE
-
SHBA-të kundër pushtimit të Rafahut, pro armëpushimit dhe të shqetësuara për mbylljen e Al Jazeera në Izrael
-
Osmani: Investimet e MCC-së sollën përfitime të rëndësishme për popullin e Kosovës
-
Qoku me akuza rënda për liderët e “Frontit Evropian”: E kanë Vuçiçin, ne kemi Albinin
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
“Me retorikë ka nisur Holokausti e Srebrenica, prandaj kemi përkrahje për ta neutralizuar nacionalizmin toksik të VMRO-së”, intervistë e Albanian Post me Bujar Osmanin