Zyrtarja “Marilyn Monroe Estate” i ka dalë në mbrojtje aktores Ana de Armas, e cila po luan ikonën e Hollivudit në dramën e ardhshme të Andrew Dominik dhe Netflix, “Blonde”.
Një trailer zyrtar për filmin u shfaq premierë në internet më 28 korrik dhe la shumë shikues të indinjuar për kastin e de Armas, sepse theksi i saj nuk përputhej plotësisht me tonin ikonik të Monroe-s.
Filmi nuk është i autorizuar nga zyra e Monroe-s, por megjithatë grupi qëndron pranë kastit të de Armas.
“Marilyn Monroe është një ikonë unike e Hollivudit dhe kulturës pop që kapërcen brezat dhe historinë”, tha Marc Rosen, president i “Authentic Brands Group” (ABG), i cili zotëron “Marilyn Monroe Estate”.
“Çdo aktor që hyn në atë rol e di se ka këpucë të mëdha për të mbushur. Bazuar vetëm në trailerin, duket se Ana ishte një zgjedhje e shkëlqyeshme për kastin, pasi ajo kap magjepsjen, humanitetin dhe cenueshmërinë e Marilyn. Mezi presim ta shohim filmin në tërësi!”, ka thënë mes tjerash ai.
De Armas nuk i ka komentuar publikisht kritikat, por në një intervistë për gazetën e Londrës “The Times”, ajo tha se iu deshën nëntë muaj stërvitje që dialekti i saj të marrë theksin e duhur të ikonës së Hollivudit.
Në filmin e shkruar dhe drejtuar nga Andrew Dominik, luajnë: Bobby Cannavale, Adrien Brody, Julianne Nicholson, Xavier Samuel dhe Evan Williams.
“Blonde”, është bazuar në romanin ‘bestseller’ të Joyce Carol Oates, është një ritregim i trilluar i jetës së Monroe-s, i cili do të ketë premierën në Netflix më 28 shtator.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kevin Spacey kritikon dokumentarin e ardhshëm që do të shqyrtojë akuzat ndaj tij për abuzim dhe sjellje të pahijshme seksuale
-
Paul Rudd dhe Nick Jonas do të luajnë në komedinë muzikore “Power Balad” të regjisorit John Carney
-
“The Fall Guy” nuk arrin lartësitë e nevojshme për të bërë një spërkatje vërtet të madhe
-
Amy Schumer dhe Jennifer Lawrence synojnë të sjellin një film, por jo komedinë e premtuar vite më parë
Lajmet kryesore
-
Rusia po komploton sabotim në të gjithë Evropën, paralajmërojnë agjencitë e inteligjencës
-
Për britaniken Express, Dhërmiu është destinacioni më i bukur evropian për pushimet 2024
-
BE në rrezik të ‘shpërthimit’, pasi e djathta ekstreme kërkon ‘kokat e turkut’
-
Abraham bën thirrje që të respektohen standardet evropiane: Kosova në Këshill të Evropës për stabilitetin e rajonit