Partia Socialdemokrate (PSD), të hënën ka dorëzuar qindra peticione që i kundërshtonte Lëvizja Vetëvendosje marrëveshjet e vitit 2015.
Njëri nga peticionet që PSD-ja e dorëzoi është kundërshtimi i marrëveshjes së Demarkacionit me Malin e Zi, në vitin 2015.
Në peticionet që i ka dorëzuar PSD-ja shihet i nënshkruar edhe kryeministri i Kosovës, Albin Kurti.
Kryetari i PSD-së, Dardan Molliqaj, para mediave ka thënë se kryeministri Kurti është shfaqur ndryshe në opozitë e ndryshe në pushtet.
“Përveç që kanë mbi 205 e mijë qytetarë që e kanë kundërshtuar, qeveria e Kosovës nuk i ka pyet qytetarët dhe nuk ka marrë mandat për me nënshkrua një marrëveshje të tillë”.
“Ajo që është interesante, në fund të njërës prej kësaj fletave, nënshkrues është edhe kryeministri i Kosovës, Albin Kurti. Siç mund ta shihni me datën 18.09.2015, Albin Kurti e nënshkruan këtë tekst, pra nuk mund të jenë dy Kurta, edhe ai i cili e nënshkruan kundërshtimin edhe ai i cili e zbaton këtë marrëveshje”.
Molliqaj, ka shtuar se është kundër marrëveshjeve të dëmshme ndaj Kosovës.
“Kritika jonë nuk është që Albini i ka ndërru fjalët, kritika jonë është që Albini po e bënë një marrëveshje të dëmshme”, tha Molliqaj.
Duke arsyetuar se pse një marrëveshje e tillë do të shkaktoj pasoja për vendin.
“Kjo marrëveshje është logjika e ndarjes etnike në Kosovë. Ne nuk besojmë që zgjidhjet e problemit mes Kosovës dhe Serbisë janë zgjidhjet etnike. Ne vazhdimisht bëjmë thirrje për një marrëveshje e cila është gjithëpërfshirëse e përfundimtare dhe nuk i konservon ndarjet etnike. Besoj që kurrë më shumë se sot Albin Kurti duhet ta ketë parasysh se s’ka mandat me bë marrëveshje etnike në Kosovë dhe po ashtu i ka mbi 205 mijë qytetarë në mesin e tyre edhe veten që e kanë nënshkruar”, tha tutje Molliqaj.
Ndërsa për liberalizimin e vizave, Molliqaj ka thënë se Qeveria aktuale duhet të shtoj përgjegjësitë.
“Padrejtësia ndaj Kosovës për çështjen e mosliberalizimit të vizave është shumëfishë e rëndë edhe e papranueshme. Ne besojmë që qytetarët e Kosovës qysh moti është dashur të kenë të drejtën e lirisë së lëvizjes pa viza. Nëse qeveria tentoi t’i marr meritat për liberalizim, atëherë duhet t’i marr edhe përgjegjësitë”.
“Besoj që përgjegjësia e mosliberalizimit të vizave është e BE-së. Nuk është merite e kësaj qeveria as nuk është përgjegjësi e kësaj qeverie direkte, por është interesant që qeveria kur ndodh diçka mirë thotë unë e bëra, ndërsa kur është keq i kanë fajet te të tjerët”.
Ndryshe më 24 qershor, “Këshilli Prokurorial i Kurtit” dhe “Republika e tretë e kapur”, ishin mbishkrimet që Partia Social Demokrate i la të shënuara në murin e Këshillit Prokurorial të Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit