Komisioni Evropian rekomandon që Ukrainës t’i caktohet statusi i “vendit kandidat” duke i hap rrugë kështu anëtarësimit në Bashkimin Evropian.
Kështu është shprehur gjatë fjalës së saj presidentja e komisionit Ursula von der Leyen.
“Ne kemi një mesazh të qartë – dhe ai është, po, Ukraina meriton perspektivën evropiane, po, Ukraina duhet të mirëpritet si një vend kandidat”, u shpreh Von der Leyen.
Mesazhi i saj ishte i qartë se, ” kjo do ishte një zgjedhje e mirë – por punë e rëndësishme mbetet për t’u bërë”.
Sipas Presidentes, e cila ishte veshur me ngjyrat karakteristike të flamurit ukrainas – blu dhe verdh – i gjithë procesi bazohet në merita. Kështu, thekson ajo procesi do të vijojë plotësisht dhe përparimi varet tërësisht nga Ukraina.
“Sipas këndvështrimit të Komisionit, Ukraina ka demonstruar qartë aspiratën dhe vendosmërinë e vendit për të përmbushur standardet evropiane”, ishte mesazhi përmbyllës i Presidentes.
Deklarata e Presidentes së KE-së, erdhi një ditë pasi udhëheqësit më të fuqishëm të bllokut vizituan Kievin në shenjë mbështetjeje – Franca, Italia dhe Gjermania.
Von der Leyen foli edhe për aplikimet për anëtarësim në BE nga vende si Moldavia dhe Gjeorgjia.
Official: European Commission recommends EU candidate status for Ukraine.
The clue was in Ursula von der Leyen's outfit. pic.twitter.com/v0rn0mXyJp
— Jennifer Rankin (@JenniferMerode) June 17, 2022
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Stoltenberg qorton aleatët për mbështetjen e vakët ndaj Ukrainës
-
Osmani kërkon mbështetjen e Zvicrës për anëtarësimin e Kosovës në KiE