Komisioni Hetimor Parlamentar i cili do të hetoj sektorin e energjisë elektrike në Kosovë nga viti 2006 deri në vitin 2022 do të mblidhet sot për të mbajtur takimin e radhës.
Këtë të mërkurë, komisioni do të përpiloj listën e personave të cilët do të intervistohen nga ky komision.
Por, sa persona do të intervistohen dhe kush do të intervistohet, akoma nuk dihet, ka thënë Rashit Çalaj, një nga anëtarët e këtij Komisioni nga radhët e PDK-së.
“Ende nuk e dimë as sa persona do t’i thërrasim as kë do t’a thërrasim”, ka thënë Çalaj në një prononcim të shkurtër për Albanian Post.
“Sepse krejt varet nga dokumentacioni i cili na vjen sot në Komision”, ka vazhduar më tej ai.
Sipas Çalajt, sot është afati i fundit, i paracaktuar, për dorëzimin e dokumentacioneve nga institucionet që ndërlidhen me sektorin e energjisë elektrike.
“Nga kuvendi, KEDS, ZRRE e të gjitha institucionet që ndërlidhen me punën e energjisë në Kosovë”, ka thënë Çalaj.
Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike sot do të bëjë përpilimin e listës së dëshmitarëve që do të ftohen për intervistim.
Kjo mbledje e Komisionit është paraparë të filloj nga ora 14:00.
Ky Komision është formuar më 5 maj të këtij viti për hetimin e procesit të energjisë në vend që nga viti 2006 deri në vitin 2022.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Një muaj paraburgim ndaj katër të dyshuarve për plagosjen në Podujevë
-
Si u zbulua rrjeti ndërkombëtar i mashtrimi përmes call center, ku përfshihet dhe Shqipëria
-
Kievi mund të përdorë armë britanike brenda Rusisë, thotë Cameron
-
Aksident tragjik në Durrës – Vritet në vendngjarje çiklisti, shoferi arratiset
Lajmet kryesore
-
Zgjedhjet evropiane dhe loja e aleancave
-
Si u zbulua rrjeti ndërkombëtar i mashtrimi përmes call center, ku përfshihet dhe Shqipëria
-
Policia e Shtetit duhet të rrisë rezultatet dhe besimin e publikut, thotë Balla
-
Szunyog: Sulmet fizike, kërcënimet, gjuha e urrejtjes ndaj gazetarëve në Kosovë është për t’u shqetësuar