![](https://albanianpost.com/wp-content/uploads/2022/06/kusari-lila-850x638-1.jpg)
Shefja e Grupit Parlamentar të Lëvizjes Vetëvendosje, Mimoza Kusari-Lila, ka deklaruar se situata e krijuar me veteranët e Ushtrisë Çlirimtare të Kosovës para Kuvendit, është si rezultat i akumulimit të pakënaqësive ndër vite.
Në një konferencë për media, ajo theksoi se veteranët që kanë luftuar, nuk e dëmtojnë vendin.
“Megjithatë, unë e di se secili veteran, i cili ka luftuar, nuk e dëmton vendin, gjegjësisht as ndërtesën e Kuvendit të Kosovës, apo t’i shkaktojë dëme dikujt tjetër”, tha ajo pas mbledhjes së rregullt të Kryesisë së Kuvendit të Kosovës.
Ndër të tjera, theksoi se lista e veteranëve është deformuar dhe, sipas saj, ato duhet të trajtohen.
“Është e vërtetë se ka një deformim ndër vite në listat e veteranëve”.
“Veteranët meritojnë trajtimin dinjitoz. Do të arrijmë deri te zgjidhja. Është një vit qeverisje, do të duhet edhe kohë, edhe planifikim e rivlerësim të situatave dhe rrethanave. Situata me veteranët ekziston me shumë vite. Nuk është Qeveria Kurti që e ka përkeqësuar gjendjen, nuk ka krijuar pakënaqësi”, shtoi ajo.
![](https://albanianpost.com/wp-content/uploads/2022/06/gbfgb-f.png)
Kryesia e Kuvendit mori vendim që seanca e re të mbahet javën e ardhshme, më 16 qershor.
Kusari-Lila bëri të ditur se kryesia do të mblidhet sërish të hënën që vjen.
Ndryshe, pensionet e veteranëve të Ushtrisë Çlirimtare të Kosovës janë 170 euro. Kjo shumë do të mbetet po kaq edhe kur Qeveria e Kosovës të rrisë pragun e pagës minimale në mbi 250 euro siç është paralajmëruar.
Rrjedhimisht, pensioni i ish-luftëtarëve në Kosovë nuk barazon as pagën minimale në vend, prandaj Organizata e Veteranëve të Luftës së UÇK-së po organizon protesta në Prishtinë.
Të mbeten në këtë shifër si pension mujor, nga OVL është konsideruar si “diskriminim që po u bëhet veteranëve, invalidëve dhe familjeve të dëshmorëve”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Taravari takon Vitinë, flasin për afrimin edhe më të madh mes Kosovës dhe RMV-së
-
Kushtetuesja vendos, edhe Ligji për Byronë e Konfiskimit të pasurisë shkel Kushtetutën e Kosovës
-
Takimi Kurti – Vuçiç, Rashiç: Një lëvizje drejtë negociatave më intensive
-
Borrell: Zotimet e Kosovës dhe Serbisë në dialog s’do të ndryshojnë, pavarësisht ardhjes së njerëzve të rinj në postet e BE-së
Lajmet kryesore
-
Kush është Florian Coldea, këshilltari i Ramës, të cilin opozita e akuzon si “agjent rumun”
-
Nis hetimi administrativ për skandalin e mjekëve të Onkologjikut, bën me dije Koçiu
-
Historia e dhimbshme dhe e shkëlqyeshme e programerit të verbër të Kosovës
-
Borrell: Zotimet e Kosovës dhe Serbisë në dialog s’do të ndryshojnë, pavarësisht ardhjes së njerëzve të rinj në postet e BE-së