Shpallja e ish-kryeministrit të Shqipërisë Sali Berisha si persona non grata nga autoritetet amerikane ishte ndoshta ngjarja politike e dekadës në vendin tonë.
Por, në rutinën e ditës së djeshme, pikërisht një vit më pas, asnjë nga përfaqësuesit e politikës apo të medias gjeti kohën për ta vënë në dukje sadopak. Madje as vetë Ambasada amerikane. Asnjë status, asnjë reagim nga asnjë aktor, palë, faktor apo kundërshtar e ithtar.
Ai status i sekretarit amerikan të shtetit, Anthony Blinken, ka kaluar në harresën e shpalljes…një vit më pas.
Vetëm nëse e konsiderojmë heshtjen si manifestim të diçkaje, do të thoshim që ndoshta palët janë në pritje të asaj çka do të ndodhë me PD-në.
Ndoshta heshtja është zgjedhur, duke kuptuar që mungesa e një hetimi të thellë nga organet kompetente të vendit, duke e lënë të vetmuar statusin e “non grata-s”, deri më sot vetëm e ka forcuar Berishën.
Ndoshta është vetëm e rastësishme dhe vërtetë të gjithëve ju ka dalë nga mendja.
Një gjë është e sigurt. Berishës, ish-liderit demokrat, së shpejti ndoshta kryetar për të tretën herë (rikthimi i dytë) i leverdis pas 365 ditësh që kjo “damkë” të mos hiqet kurrë, pasi po e përdor më së miri në betejën pa luftë ose luftën pa betejë me ambasadoren amerikane Yuri Kim apo edhe me vetë Blinken, i cili riafirmohet te diplomatja.
Një vit më pas, asgjë nuk ka ndryshuar në qasjen e Shtëpisë së Bardhë ndaj ish-figurave të përfshira “në korrupsion të konsiderueshëm”.
E vetmja gjë që ka ndryshuar është përplasja frontale mes një autoriteti diplomatik dhe Komisionit të Rithemelimit (struktura paralele e Berishës për t’u rikthyer në krye të PD-së).
Lajmet kryesore
-
Meloni mbron publikisht Ramën dhe shqiptarët: U linçuan nga Rai vetëm sepse donin të ndihmonin Italinë
-
Tritol banesës së gjyqtarit, reagon ministri i Drejtësisë
-
Macron dëshiron të hapë debatin mbi parandalimin bërthamor evropian
-
Përkrahja e Kurtit s’i ndihmoi VLEN-it t’i fitojë zgjedhjet, Kasami për AP: Bashkëpunimi do të vazhdojë