Përballë Komisionit të Ligjeve, Ministrja e Drejtësisë, Etilda Gjonaj Gjonaj tregoi se do të krijohet një regjistër elektronik dhe publik për Organizatat Jofitimprurëse(OJF).
Gjatë seancës dëgjimore, Gjonaj prezantoi ligjin e ri i cili do të mundësojë Gjykatën e Tiranës të rregjistrojë të dhënat në mënyrë digjitale, sipas rekomandimeve të Komitetit të Ekspertëve MONEYVAL.
Ministrja argumentoi se ligji i ri do të rregullojë problematikat e ligjit aktual, i cili parashikon një procedurë të gjatë me shumë dokumenta.
Gjithashtu përmes ligjit të ri do të rritet aksesi për qytetarët të cilët mund të bëjnë kërkime mbi OJF- të e ndryshme.
Një tjetër risi e ligjit, do të jetë ulja e barrës së procedurave gjyqësore për regjistrimet e OJF-ve.
Tashmë ndryshimet në regjistër do të kryhen nga kancelari i gjykatës i cili me anë të një kërkese.
Në ligin e mëparshëm, OJF-të duhet të bënin kërkesë në gjykatë, të hidhej shorti, të caktohej gjyqtari dhe ky i fundit të marrë vendimin për ndryshimin e të dhënave.
Po ashtu do të krijohet një sportel elektronik, i cili është portal elektronik i Gjykatës së Rrethit Gjyqësor Tiranë, që do të ofrojë shërbim për publikun në distancë.
Nëpërmjet tij, do të komunikohet drejtpërdrejtë me sistemin qëndror për rregjistrimin e OJF-ve, nëpërmjet mjeteve elektronike.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama konfirmon vizitën në Athinë më 12 maj
-
SPAK mbyll hetimet, çon për gjykim Pëllumb Gjokën dhe anëtarë të tjerë të grupit kriminal
-
Nëse Trump fiton, do të kërkojë angazhim me 3% të PBB-së për vendet e NATO-s
-
Me ardhjen e Qeverisë Kurti ndryshoi qasja e Kosovës për marrëveshjen përfundimtare, thotë Lajçak