Ministria e Mbrojtjes e Ukrainës tha se një gjeneral rus – gjeneralmajor Vitaly Gerasimov – u vra në një betejë pranë Kharkiv.
Deklarata e shkurtër të hënën nuk ofroi asnjë provë për vdekjen e Gerasimov dhe nuk dha detaje se kur u vra.
Media shtetërore ruse nuk tha asgjë të martën për Gerasimov, megjithëse përmendi edhe rusë të tjerë të vrarë në Ukrainë.
Ministria Ruse e Mbrojtjes nuk iu përgjigj menjëherë pyetjeve të “CNN” në lidhje me Gerasimov të martën.
Ukraina e identifikoi Gerasimov-in si “një komandant ushtarak rus, gjeneral-major, shef shtabi dhe zëvendës-komandant i parë i Ushtrisë së 41-të të Qarkut Ushtarak Qendror të Rusisë” dhe tha se ai ishte një veteran i fushatave ruse në Çeçeni dhe Siri.
“Një numër oficerësh të lartë të ushtrisë ruse u vranë dhe u plagosën gjithashtu”, thuhet në deklaratën e Ministrisë së Mbrojtjes të Ukrainës.
Ministria gjithashtu aludoi në deklaratën e saj për problemet e komunikimit, me të cilat thotë se ushtria ruse po përballet.
Christo Grozev, drejtor ekzekutiv i gazetës hetimore me burim të hapur Bellingcat, detajoi në një postim në Twitter se informacioni për vdekjen e gjeneralit mund të jetë marrë nga një përgjim i një telefonate në një rrjet të pasigurt.
Kjo është dita e 13-të e luftimeve mes Rusisë dhe Ukrainës. Kjo e fundit ka bërë një rezistencë të lartë kundër trupave dhe bombardimeve ruse.
Më shumë se 2 milionë njerëz janë larguar nga Ukraina që nga fillimi i sulmit rus në Ukrainë, sipas Komisionerit të Lartë të OKB-së për Refugjatët dhe mbi 11 mijë ushtarë rusë kanë humbur jetën.
Ndërsa të paktën 474 civilë, përfshirë 29 fëmijë, janë vrarë në Ukrainë që nga fillimi i sulmit rus më 24 shkurt.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama kërkon hapjen e një kapitulli të ri vëllazërimi, rendi evropian dhe paqeje me prosperitet me Greqinë
-
PD letër Nikollës, për të ‘kthyer në shina’ Komisionin Hetimor për Shëndetësinë
-
Putin shkarkon Shoigun dhe cakton një ministër të ri Mbrojtje, në mes të luftës
-
Zimmerman: Kosova mund të pranohet në Këshillin e Evropës si anëtare e asociuar