Ministrja e Financave dhe Ekonomisë në Shqipëri, Delina Ibrahimaj, të premten e 18 shkurtit, ka nënshkruar Marrëveshjen Kuadër në fushën e Mbrojtjes Shoqërore me ministrin për Çështjet e Brendshme, Shëndetësisë dhe Mbrojtjen Sociale të Zvicrës, Alain Berset.
E para që ka mbajtur fjalën e rastit ishte ministrja Ibrahimaj, e cila falënderoi qeverinë e Zvicrës për të gjithë ndihmën që i ka dhënë popullit shqiptar.
Me këtë marrëveshje, të gjithë shtetasit shqiptarë që punojnë rregullisht në Zvicër, do të përfitojnë pensionin me mbushjen e moshës, duke mos humbur asnjë ditë nga periudha kontributive.
Ibrahimaj ka njoftuar se janë mbi 2 mijë persona që do të përfitojnë nga njohja e ndërsjellët e Mbrojtjes Shoqërore.
Kurse ministri i Zvicrës, u shpreh i kënaqur që “po zgjerojmë marrëdhëniet tona përmes kësaj marrëveshje”. Ndërsa e ka cilësuar si “hap të rëndësishëm” që do të sjellë “të mira” për të dyja vendet.
Berset tregoi se ka zhvilluar dhe një takim me zëvendëskryeministrin “ku u zotuam, për të punuar brenda Këshillit të Sigurimit” rreth kësaj çështje.
Gjithashtu do të caktohen dhe fondet nga Qeveria Shqiptare, e cila rezulton të jetë e interesuar për zgjidhjen pozitive të problemit.
Diaspora 91-19 ANIAP njofton se do të bëhet dhe ratifikimi burokratik i marrëveshjes dhe dekretet zbatuese.
Po ashtu, do të ketë dhe përcaktim të procedurave dhe modifikimit të programeve kompjuterike.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit