![](https://albanianpost.com/wp-content/uploads/2022/01/ipiccy_image-2022-01-30T165133.535.jpg)
Ka një kërcënim të vërtetë nga pala ruse për pushtimin e Ukrainës, por vështirë se ushtarëve britanikë do t’u duhet të angazhohen në konfliktim.
Të paktën, këtë mendim e ka kryediplomatja e Mbretërisë së Bashkuar, Liz Truss, e cila ka thënë në një intervistë për median shtetërore britanike, BBC, armatimet e mundësuara për Ukrainën duket të jenë të mjaftueshme për konfliktin në përmasat që janë deri tani.
Gjithsesi, ajo e ka pohuar se në rast të një mësymje të mundshme, pasojat për Evropën do të ishin “shkatërruese”.
![](https://albanianpost.com/wp-content/uploads/2022/01/TELEMMGLPICT000281295222_trans_NvBQzQNjv4BqA7N2CxnJWnYI3tCbVBgu9T0aesusvN1TE7a0ddd_esI.jpg)
Me mbi 100 mijë trupa në kufi, tanke dhe artileri të rëndë, fjala e rusëve thotë se nuk kanë ndërmend të pushtojnë ish-republikën sovjetike, por veprimet janë dyshuese.
Sipas Truss, në rrafshin diplomatik, po bëhet gjithçka e mundur për ta shuar konfliktimin mes dy vendeve. Një ndër rrafshet ku po punohet, është edhe ai i sanksioneve ekonomike.
Megjithatë, ato nuk kanë pasur ndonjë efekt konkret në uljen e tensionit dhe sprapsjen e Moskës.
Vetë Britania, ka ofruar ndihmë si ushtarake edhe ekonomike. Po ashtu, me anë të një legjislacioni të posaçëm, lejohen sanksionet ndaj kujtdo që mbështet të tilla politika nga Kremlini.
Shqetësime të mëdha ka edhe nga presidenti ukrainas, Volodymyr Zelensky, i cili i ka bërë thirrje Perëndimit të mos krijojë panik me paralajmërimet e një pushtimi të mundshëm, pasi kjo gjë po e rrezikonte së tepërmi ekonominë e Ukrainës.
Sakaq, anglezët kanë trajnuar mbi 20 mijë trupa ukrainase, duke i përgatitur ata në rast nevoje.
Por, ndërhyrja ushtarake nga ushtarët britanikë, duket se mund të mos vijë, përveç rasteve kur mësymja bëhet serioze.
Vetë forcat e NATO-s kanë gati rreth 5 mijë trupa, të cilët mund të dislokohen menjëherë në fushëbetejë. Nëse do të jetë e nevojshme, koha do ta tregojë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani takon presidentin e Kenias, por njohja nuk është akoma gati
-
Kina nis hetim për prodhimet e mishit të derrit të importuara nga BE
-
Osmani rikonfirmon përkrahjen e presidentes së PE-së në rrugën e Kosovës drejt BE-së
-
Minos mbërrin, temperatura deri në 40°: Zgjidhni mirë veshjet, ushqimet dhe pijet
Lajmet kryesore
-
Përkeqësohet hendeku gjinor në Shqipëri – bie me 6 vende – sipas raportit global
-
Misioni në Mesdhe, Peleshi: Profesionalizëm i forcave detare shqiptare
-
NATO në bisedime për të vendosur më shumë armë bërthamore, thotë Stoltenberg
-
Izraeli të martën nënshkruan marrëveshje me Kosovën për heqjen e vizave