Zgjedhjet e përgjithshme në Serbi do të mbahen më 3 prill të vitit 2022, ku do të zgjedhet Presidenti dhe Kuvendi Kombëtar i Republikës së Serbisë.
Përveç zgjedhjeve të përgjithshme, zgjedhje do të ketë edhe në Asamblenë e Beogradit.
Që nga ardhja në pushtet e Aleksandër Vuçiçit në vitin 2012, Serbia sipas raporteve ndërkombëtare, ka bërë mbrapsht prej një sistemi politik demokratik, në autoritarizëm – me theks të veçanët në rënien e lirive të medias dhe lirive qytetare.
Këto rënie përbëjnë edhe boshtin e kritikës opozitare ndaj pushtetit të Partisë Përparimtare Serbe (SNS), që udhëhiqet nga Aleksandër Vuçiç.
Ndonëse, ende nuk janë zyrtarizuar emrat e kandidatëve për President të Serbisë, disa janë prej më të përfolurve të cilët priten të sfidojnë Vuçiçin në Zgjedhjet Presidenciale.
Opozita e Bashkuar në Serbi ka propozuar si kandidat të përbashkët presidencial, ish-ushtarakun serb, Zdrvko Ponosh.
Ponosh kishte shërbyer si ish-Shef i Shtabit të Përgjithshëm i Ushtrisë Serbe deri në vitin 2008 nga ku ishte shkarkuar prej ish-Presidentit të Serbisë në atë kohë, Boris Tadiç.
Ai në atë kohë kishte përplasje publikisht me ish-ministrin e mbrojtjes, të cilit nuk ia kishte dorëzuar as një raport vjetor, duke e pasur shef politik.
Ai një kohë kishte shërbyer edhe si shef i kabinetit në Ministrinë e Punëve të Jashtme, që drejtohej nga ish-kryediplomati serb Vuk Jeremiç.
Gjithashtu gazetari serb Srdjan Skorko ka lajmëruar se do të futet në garën presidenciale në Serbi. Ai beson plotësisht se mund ta rrëzojë Aleksandër Vuçiçin.
Lideri i Lëvizjes së djathtë ekstreme dhe nacionaliste “Dveri”, Boshko Obradoviç, po ashtu ka paralajmëruar kandidaturën e tij për të parin e vendit.
Profesori në Universitetin e Beogradit, Zoran Tomiç ka bërë thirrje opozitës që për President të Serbisë të nominohet, Vojisllav Koshtunica, ngase sipas tij, ai “do të kontribuojë në ndalimin e rënies së shtetit dhe shoqërisë sonë”.
Millosh Jovanoviç, gjithashtu një nacionalist serb i stërtheksuar ka lajmëruar kandidaturën e tij, i cili vjen nga një koalicion i gjerë i së djathtës ekstreme serbe.
Radikali serb Vojisllav Sheshel ditë më parë tha se “kësaj here nuk do të kandidoj”, por se Partia Radikale Serbe do të vendosin për kandidaturën e mundshme në fund të janarit.
Nga të gjithë kandidatët e propozuar dhe të përfolur, vetëm Zdravko Ponosh, ka tërhequr vëmendjen si kandidaturë serioze, e cila do të mund të sfidonte Aleksandër Vuçiçin, ndonëse edhe në atë aspekt ka mosbesim të madh.
Aleksandër Vuçiç, ende nuk e ka zyrtarizuar kandidaturën e tij për President të Serbisë, dhe ka thënë se atë do ta lajmërojë në mes të shkurtit në moment të shpalljes së zgjedhjeve më 15 shkurt.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Tym dhe zjarr në protestën e opozitës para Bashkisë së Tiranës
-
Komision i Posaçëm për sundimin e ligjin, Rama thirrje opozitës: Të punojmë për Shqipërinë evropiane
-
Kurti: Krimet e kryera nga shteti i Serbisë s’vjetrohen dhe as nuk harrohen
-
Egjipti: Izraeli po kërcënon përpjekjet e forta për paqen dhe ndihmën në Rafah
Lajmet kryesore
-
Komision i Posaçëm për sundimin e ligjin, Rama thirrje opozitës: Të punojmë për Shqipërinë evropiane
-
Tym dhe zjarr në protestën e opozitës para Bashkisë së Tiranës
-
Loja “e fshehtë” e Netanyahut, i cili ka frikë të humbasë koalicionin nëse dorëzohet tani
-
Kosova e Serbia s’mund të përfitojnë nga miliardat e BE-së pa i normalizuar raportet