Lideri i Partisë Demokratike, Lulzim Basha, ka reaguar pas episodit të eksplozivit të shpërthyer në banesën e kreut të Federatës Shqiptare të Futbollit, Armand Duka.
Përmes një postimi në platformën Twitter, Basha e ka lidhur këtë episod me degradimin e pushtetit me qëllim kapjen e institucioneve.
“Zhvillimet rreth FSHF-së, tregojnë edhe njëherë degradimin e një pushteti të korruptuar që qëllim të vetëm ka zaptimin me çdo mjet, të çdo institucioni”, ka shkruar ai.
Sipas kreut të Partisë Demokratike, tensioni i krijuar me vendosjen e eksplozivit në banesën e Dukës, duhet të marrë fund.
“Strategjia e tensionit e shpalosur ditën e sotme, që kulmoi me eksplozivin e vendosur këtë mbrëmje në banesën e familjes Duka duhet të ndërpritet me urgjencë dhe drejtësia të mos qëndrojë duarkryq”, ka përmbyllur reagimin e tij Basha.
Zhvillimet rreth FSHF-së, tregojnë edhe njëherë degradimin e një pushteti të korruptuar që qëllim të vetëm ka zaptimin me çdo mjet, të çdo institucioni. Strategjia e tensionit e shpalosur ditën e sotme, që kulmoi me eksplozivin e vendosur këtë mbrëmje në banesën e familjes Duka
— Lulzim Basha (@lulzimbasha_al) January 24, 2022
Ky reagim i tij ka ardhur pas lajmit se në banesën e Dukës ka ndodhur një shpërthim me tritol.
Sipas burimeve të Albanian Post, shpërthimi ka ndodhur në derën e jashtme të banesës së Dukës.
Ndërkaq, në vendngjarje ndodhen edhe forca policore, për të sqaruar rrethanat e ngjarjes.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Apeli i ‘shurdhët’ i Celibashit për mundësimin e votës së diasporës
-
“Reporterët Pa Kufij”: Liria e shtypit në Shqipëri po kërcënohet nga politika
-
Turqia ndalon tregtinë me Izraelin, derisa të ‘lejohet hyrja e pandërprerë e ndihmave në Gaza’
-
Kosova tenton ta bindë BE-në për heqjen e masave ndëshkuese – nëpërmjet fotografive