Kryetari i Partisë Demokratike, Lulzim Basha, ka deklaruar nga Durrësi se “e vërteta po vonon, por nuk do të mungojë”.
Mesazhin “e koduar” për drejtësinë, kryedemokrati e dha nga takimi që zhvilloi me mbështetës demokrat në qytetin bregdetar.
Basha vijoi me akuzat kundrejt ish-liderit demokrat, Sali Berisha dhe kryeministrit Edi Rama, duke thënë se këta të fundit “i lidh gënjeshtra”.
“Kur s’ma ka bërë për gënjeshtrat e Sali Berishës dhe të Edi Ramës, nuk ma bën për askënd tjetër. Ata i lidh gënjeshtra, si mjet i vjetër i propagandës komuniste”, nënvizoi gjatë fjalës së tij numri një i selisë blu.
Sipas kreut demokrat, të gjitha gënjeshtrat do të bien, sepse “sa më shumë të gënjesh, aq më shumë populli e kupton që gënjen për një hall tëndin personal”.
Referuar Berishës, kryedemokrati shtoi se ka “një hall që nuk ia zgjidh dot PD-ja dhe për të cilin nuk do ta marrë kurrë peng”.
Sa i takon të ardhmes, Basha tha se projekti i parë është “t’i kthejmë shqiptarëve parlamentin dhe qeverinë legjitime me zgjedhje të lira”.
Duke iu kthyer nismave të selisë blu, kretari i PD-së kujtoi dhe vetting-un e politikanëve.
Për Bashën, vetëm tre njerëz nuk e duan këtë nismë – adresuar Berishës, presidentit Meta dhe kryeministrit Rama.
“Ndërhyrja që duhet të bëjmë është një ndarje nga e shkuara, e kulturës komuniste e mendimit ndryshe, e kulturës se e vetmja mënyrë për të ecur është të servilosesh e t’u shërbesh interesave të dikujt”, vijoi kryedemokrati.
Zhvillimet brenda PD-së, Basha nuk i konsideron thjesht si një ndryshim politik, por në thelb – kulturor.
“Ashtu siç e kam thënë me 18 dhjetor siç do të jetë PD sot, do të jetë Shqipëria nesër, nuk ka shpresë tjetër për vendin tonë”, tha në përmbyllje kryetari i Partisë Demokratike, Lulzim Basha.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Lejuan ndërtimin e paligjshëm në Patok, arrestohet drejtori i IMT-së në Kurbin dhe pezullohen inspektorët
-
Dokumentari i Rai 3: Ironi dhe akuza në Kuvendin e Shqipërisë
-
Bardhi: Kuvendi të distancohet nga sjellja e Ramës ndaj Rai 3
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Stoltenberg qorton aleatët për mbështetjen e vakët ndaj Ukrainës
-
Osmani kërkon mbështetjen e Zvicrës për anëtarësimin e Kosovës në KiE